Ursides

in Wikipedia, die vrye ensiklopedie
Jump to navigation Jump to search
Ursides
Die uitstralingspunt van die Ursides is net regs bo van die ster Kochab.[1]
Die uitstralingspunt van die Ursides is net regs bo van die ster Kochab.[1]
Moederliggaam  8P/Tuttle[2]
Uitstralingspunt
Sterrebeeld  Klein Beer
Regte klimming  14h 28m[3]
Deklinasie  +78°[3] (Noordelike Halfrond)
Eienskappe
Voorkoms  17-25 Desember
Hoogtepunt  22 Desember
Spoed  33 km/s[1]
Sterre per uur  Maksimum 10[2]

Die Ursides (URS) is ’n meteoorreën wat elke jaar omstreeks 17 Desember begin en sowat ’n week duur, tot 25 of 26 Desember. Dit word so genoem omdat hul oënskynlike uitstralingspunt naby die ster Beta Ursae Minoris (Kochab) in die sterrebeeld Klein Beer is.

Geskiedenis en waarneming[wysig | wysig bron]

Die Ursides is waarskynlik ontdek deur William F. Denning, wat hulle van die begin van die 20ste eeu af ’n paar jaar lank bestudeer het.[2] Hoewel daar daarna sporadiese waarnemings was, het die eerste gekoödineerder bestudering van die reën eers in 1945 begin toe dr. A. Bečvář ’n storm van 169 meteore per uur gesien het.[2] Verdere waarnemings sedert die 1970's het getoon daar is ’n verband met die komeet 8P/Tuttle.[2]

Peter Jenniskens en Esko Lyytinen het ontdek storms kan plaasvind wanneer Komeet Tuttle by sy afelium (grootste afstand van die Son af) is omdat sommige meteoroïdes vasgevang word in ’n wentelresonansie van 7/6 met Jupiter.

Die Ursides word veroorsaak deur ’n besonder smal stroom, en dit het die veteraan-meteoorwaarnemer Norman W. McLeod van Florida laat opmerk die Ursides "moet ’n kompakte stroom soos die Quadrantides wees. Jy moet hulle binne 12 uur rondom hul hoogtepunt sien."[2]

Verwysings[wysig | wysig bron]

  1. 1,0 1,1 IMO Meteor Shower Calendar 2012: Ursids (URS)
  2. 2,0 2,1 2,2 2,3 2,4 2,5 Gary W. Kronk. "Observing the Ursids". Meteor Showers Online. Besoek op 2012-11-17.
  3. 3,0 3,1 Moore, Patrick; Rees, Robin (2011), Patrick Moore's Data Book of Astronomy (2nd ed.), Cambridge University Press, p. 275, ISBN 0-521-89935-4, http://books.google.com/books?id=2FNfjWKBZx8C&pg=PA275 

Eksterne skakels[wysig | wysig bron]