Venetia Limpopo-natuurreservaat
Venetia Limpopo-natuurreservaat | |
---|---|
Land | Suid-Afrika |
Provinsie | Limpopo |
Naaste dorp | Alldays |
|
|
Koördinate: 22°18′9″S 29°12′15″O / 22.30250°S 29.20417°OKoördinate: 22°18′9″S 29°12′15″O / 22.30250°S 29.20417°O | |
Oppervlak | 33 000 ha |
Openingsjaar | 1993 |
Bestuursliggaam | De Beers |
Die Venetia Limpopo-natuurreservaat is in die verrenoorde van Suid-Afrika geleë en word besit deur die De Beers diamandmynmaatskappy - die Venetia-diamantmyn self is eintlik binne die reservaat se gebied.
Die reservaat is ongeveer 33 000 ha in grootte, en word gekenmerk deur dominante mopanie (Colophospermum mopane)-veld. Alhoewel dit pragtige natuurskoon bevat, is die klimaat in die omgewing baie warm - die somertemperatuur styg gereeld verby die 40 grade Celsius-punt.
Die reservaat is die tuiste van drie van die Groot vyf (leeus, olifante en luiperds - maar nie renosters en buffels nie). Daar was 'n bevolking van wildehonde in die park wat deel was van 'n navorsingsprojek van die Carnivore Conservation Group, 'n tak van die Trust vir Bedreigde Natuurlewe.
Een van Suid-Afrika se nuutste nasionale parke, die Mapungubwe Nasionale Park is letterlik net oorkant die pad geleë.