Vital Kamerhe
Vital Kamerhe is 'n politikus van die Demokratiese Republiek van die Kongo en die voormalige stafhoof van president Félix Tshisekedi. Kamerhe is op 4 Maart 1959 in Bukavu, Suid-Kivu gebore.[1]
Kamerhe is bekend as 'n leier met sterk steun vanuit die land se ooste, veral die gebied aangrensend aan Rwanda. Kamerhe was die leier van die Unie vir die Kongolese Nasie.[2] Hy was 'n bondgenoot van oudpresident Joseph Kabila en het selfs as sekretaris-generaal van laasgenoemde se politieke party en president van die nasionale vergadering gedien.[2] In die presidensiële verkiesing van 2016, was Kamerhe een van die voorlopers om die land se presidentskap te wen.[2] Tshisekedi het egter geseëvier in 'n betwiste verkiesing.
Kamerhe is op 20 Junie 2020 tot 20 jaar tronkstaf gevonnis vir korrupsie ten bedrae van $50 miljoen.[3] Die saak het verband gehou met 'n 100-dae konstruksieprogram wat deur die Kabila-administrasie geloods is.[4] Die hofsaak is in omstredenheid gehul nadat die verhoorregter, Raphael Yanyi, die vorige maand dood aangetref is.[3] Die polisie het oorspronklik die oorsaak van sterfte aan 'n hartaanval toegeskryf, maar tydens 'n na-doodse ondersoek is verskeie steekwonde aan Yanyi se liggaam gevind.[3] Die Lebanese sakeman Jammal Samih is saam met Kamerhe tot 20 jaar tronkstraf gevonnis.[3]
Kamerhe is op 6 Desember 2021 voorlopig vrygelaat ná 'n hooggeregshofbevel.[4] Geen rede vir die vrylating is aangevoer nie, hoewel Tshisekedi se kantoor dit bevestig het.[4]
Verwysings[wysig | wysig bron]
- ↑ https://www.africa-confidential.com/profile/id/3252/Vital_Kamerhe
- ↑ 2,0 2,1 2,2 Riche, M. 2015. DRC: Fluid Mechanisms Political Reorganization Just Before the 2016 Elections. French Institute of International Relations.
- ↑ 3,0 3,1 3,2 3,3 https://www.bbc.com/news/world-africa-53121994
- ↑ 4,0 4,1 4,2 https://www.reuters.com/world/africa/congolese-court-orders-release-presidents-former-top-aide-prison-2021-12-06/
