Vivienne Westwood

in Wikipedia, die vrye ensiklopedie
Vivienne Westwood in 2008.

Dame Vivienne Isabel Westwood DBE RDI (née Swire; 8 April 194129 Desember 2022) was 'n Britse modeontwerper en sakevrou. Sy was grootliks daarvoor verantwoordelik om moderne punk- en new wave-modes aan die hoofstroom modewêreld bekend te stel.[1]

Westwood het bekend geword toe sy klere gemaak het vir die boetiek wat sy en Malcolm McLaren op King's Road, Londen bestuur het. Die boetiek het later as as SEX bekend geword. Hul vermoë om klere en musiek te sintetiseer het die 1970's Britse punktoneel gevorm, wat deur McLaren se groep, die Sex Pistols, oorheers is. Sy het punk beskou as 'n manier om te "kyk of 'n mens 'n speek in die stelsel kan steek".[2]

Westwood het vier winkels in Londen geopen en uiteindelik deur Brittanje en die wêreld uitgebrei en 'n toenemend uiteenlopende reeks goedere verkoop, waarvan sommige haar baie politieke passies bevorder het, soos die veldtog vir kernontwapening, klimaatsverandering en burgerregte.[3][4]

Verwysings[wysig | wysig bron]

  1. Bell-Price, Shannon. "Vivienne Westwood (born 1941) and the Postmodern Legacy of Punk Style Source: Vivienne Westwood (born 1941) and the Postmodern Legacy of Punk Style". Metmuseum.org. Besoek op 30 Oktober 2010.
  2. Adams, William Lee (2 April 2012). "Vivienne Westwood – All-TIME 100 Fashion Icons – TIME". Time. Besoek op 21 Julie 2020.
  3. "Our Approach". viviennewestwood.com. Geargiveer vanaf die oorspronklike op 22 Mei 2022. Besoek op 4 Februarie 2022.
  4. Kristen, Bateman (8 Maart 2018). "Vivienne Westwood Is the Original Riot Grrrl". L'Officiel. Besoek op 4 Februarie 2022.