Vlagterminologie
In die ontwerp en beskrywing van vlae word dikwels gespesialiseerde vlagterminologie gebruik, bestaande uit presiese en tegniese betekenisse. Dit word beskou as ’n tipe kliektaal (jargon).
Beskrywing van standaard vlagdele en -terme[wysig | wysig bron]
- Wapen
- ’n wapenskild of ander eenvoudige heraldiese simbool
- Skildhoek
- enige kwart van ’n vlag, maar gewoonlik verwysend na die linker boonste helfte aan die vlagpaalkant, soos o.a. die sterrehoek in die vlag van die Verenigde State of die Unievlae in die vlae van Australië en Nieu-Seeland
- Wapenfiguur
- ’n beeld of simbool in die veld van die vlag vertoon
- Embleem
- ’n toestel wat dikwels as ’n wapenfiguur op ’n vlag gebruik word. Dit kan heraldies in oorsprong of modern wees, soos die moepelblaar op die vlag van Kanada
- Veld
- die agtergrond van ’n vlag; die kleur agter die wapenfigure
- Fraiing
- ’n dun strook of grens op ’n vlag, dikwels in wit of goud, om twee kleure van mekaar te skei. Die wit lyne op die vlag van Suid-Afrika dien as voorbeeld
- Wapperkant
- die helfte of deel van die vlag verste van die vlagpaal
- Vlagpaalkant
- die helfte of deel van die vlag naaste aan die vlagpaal
- Breedte
- die vlag se spanwydte reghoekig tot die vlagpaal
- Hoogte
- die vlag se spanwydte ewewydig aan die vlagpaal
Basiese vlagpatrone[wysig | wysig bron]
Vlae beskik dikwels oor kenmerke wat in tradisioneel Europese heraldiese ontwerpe voorkom en gevolglik deel vlagpatrone dieselfde name.
| Naam | Illustrasie | Voorbeeld |
|---|---|---|
| Grens | 
|
 Vlag van Maledive
|
| Skildhoek | 
|
 Vlag van die V.S.A.
|
| Kwarte | 
|
 Vlag van Panama
|
| Griekse kruis
(couped cross) |
|
 Vlag van Switserland
|
| Sint Joriskruis | 
|
 Vlag van Georgië
|
| Skandinawiese kruis | 
|
 Vlag van Ysland
|
| Pale | 
|
 Vlag van Kanada
|
| Dwarsbalke | 
|
 Vlag van Oostenryk
|
| Skuisbalke | 
|
 Vlag van Tanzanië
|
| Keper | 
|
 Vlag van Palestina
|
| Gaffel | 
|
 Vlag van Suid-Afrika
|
| Sint Andrieskruis | 
|
 Vlag van Skotland
|
Tegnieke in vlagvertoning[wysig | wysig bron]
- Hys – die handeling of funksie wat uitgevoer word om ’n vlag in die lug te kry
- Stryk – die handeling of aksie wat uitgevoer word om ’n vlag weer neer te laat
- Halfmas of halfstok – ’n soort vertoning van ’n vlag waar dit wel normaal gehang word, d.i. met die skildhoek links bo en die wydte van die vlag teen die vlagpaal, maar wel nié bo-aan die vlagpaal of mas nie. Die vlag word dan, anders gestel, ongeveer in die helfte van die vlagpaal gehang. Dit kan aandui dat daar ’n noodtoestand heers, of kan só gehys word as aanduiding van leed (bv. wanneer ’n hooggeplaaste persoon oorlede is).
- Nood – deur ’n vlag onderstebo te hang, of dit in ’n swaaivorm te knoop word ’n noodtoestand aangekondig. [1] (en)
Illustrasies[wysig | wysig bron]
Uitbeelding van vlagillustrasies geskied na gelang van die hangposisie, oftewel met die veronderstelling dat die vlagpaal aan die linkerkant van die vlag sal wees. Die sigbare kant staan dan bekend as die voorkant van die vlag; die ander kant is uiteraard die agterkant. Daar is sommige uitsonderings; by heelparty Islamitiese vlae met Arabiese skrif, is die voorkant van die vlag só gekies dat die vlagpaal aan die regterkant van die vlag is.
Sien ook[wysig | wysig bron]
Eksterne skakels[wysig | wysig bron]
| Hierdie artikel is in sy geheel of gedeeltelik vanuit die Engelse Wikipedia vertaal. |
