Vlag van Maledive

in Wikipedia, die vrye ensiklopedie
Jump to navigation Jump to search
Vlag van Maledive
Vlag van Maledive
Gebruik Nasionale vlag en vaandel Nasionale vlag en vaandel
Verhouding 2:3
Goedgekeur 25 Julie 1965[1]
Ontwerp ’n Groen baan met ’n dik rooi fraiing reg rondom en ’n wit sekelmaan in die middel

Die nasionale vlag van Maledive is op 25 Julie 1965 amptelik in gebruik geneem. Die vlag vertoon ’n groen baan met ’n dik rooi fraiing reg rondom en ’n wit sekelmaan in die middel van die vlag.

Simboliek[wysig | wysig bron]

Die rooi fraiing stel die dapperheid van die volk se helde en hul gewilligheid om hul laaste druppel bloed ter verdediging van hul land te stort, voor. Die groen stel vrede en voorspoed voor. Die wit sekelmaan stel ’n staat van verenigde Islamitiese geloof voor.

Ontwerp[wysig | wysig bron]

Die fraiing is die helfte so dik soos die hoogte van die groen reghoek. Die wit sekelmaan is reg in die middel van die groen reghoek.

Konstruksietekening

Geskiedenis[wysig | wysig bron]

Die eerste vlag van die Maledive het bestaan uit ’n eenvoudige rooi baan. Later is ’n vertikale baan in swart en wit afwisselend aan die vlagpaalkant toegevoeg wat die Dhandimathi genoem is.[2]

Hierdie weergawe van die vlag is gebruik tot vroeg in die 20ste eeu toe Abdoel Madjeed Didi ’n sekelmaan tot die vlag toegevoeg het. Terselfdertyd is ’n afsonderlike staatsvlag gemaak waarvan die sekelmaan op ’n groen reghoek was. Hierdie veranderinge is iewers tussen 1926 en 1932 aangebring tydens Abdoel Madjeed se termyn as Eerste Minister.[3]

In 1953 het Maledive ’n republiek geword, wat uitgeloop het op verandering van die vlag. Die nasionale vlag is laat vaar en die sekelmaan op die staatsvlag is vertikaal omgekeer. In 1954 is die Sultanaat herstel maar die vlag het onveranderd gebly.[4] Moehammaf Fareed Didi het besluit om eerder ’n nuwe vlag spesifiek vir die Sultan te skep met ’n vyfpuntige ster langs die sekelmaan. ’n Weergawe van hierdie vlag word vandag nog as die Presidensiële Standaard gebruik.

Toe die Maledive in 1965 onafhanklikheid verkry het is die baan in swart en wit aan die vlagpaalkant verwyder.

Ander vlae[wysig | wysig bron]

Verwysings[wysig | wysig bron]

  1. (en) Maledive”. Flags of the World. URL besoek op 4 Junie 2015.
  2. (en) Maldive Koninklike Familie. “Sultanaat van die Maldive (-1949)”. URL besoek op 5 Julie 2004.
  3. "http://www.worldstatesmen.org/Maldives.htm"
  4. (en) Maldive: Van protektoraat tot onafhanklikheid (1949-1968)”. URL besoek op 4 Junie 2015.

Eksterne skakels[wysig | wysig bron]


Hierdie artikel is in sy geheel of gedeeltelik vanuit die Engelse Wikipedia vertaal.