Wêreldtydrenkampioenskap

in Wikipedia, die vrye ensiklopedie
Wêreldtydrenkampioenskap
2012-rally-great-britain-by-2eight dsc7651.jpg
international rally championship series
Subklas vanwêreldkampioenskap, automobile racing seriesWysig
Datum van stigting of ontstaan1973Wysig
SportTydrenWysig
Voorafgegaan deurInternational Championship for ManufacturersWysig
OrganizerFédération Internationale de l'AutomobileWysig
Amptelike webwerfhttps://www.wrc.comWysig
WRC.svg

Die Wêreldtydrenkampioenskap (afgekort as WRC) is die hoogste vlak van wêreldwye kompetisie in die motorsportdissipline van tydrenne, wat deur die FIA besit en beheer word. Daar is afsonderlike kampioenskappe vir jaers, navigators, vervaardigers en spanne. Die reeks bestaan tans uit 12 twee- tot driedaagse tydrenbyeenkomste wat gery word op oppervlaktes wat wissel van gruis en teerpad tot sneeu en ys. Elke tydren word gewoonlik in 15–25 spesiale sneltrajekte verdeel wat teen die klok op geslote paaie gejaag word.[1]

Die WRC is gevorm uit bekende en gewilde internasionale tydrenne, waarvan die meeste voorheen deel was van die Europese Tydrenkampioenskap of die Internasionale Kampioenskap vir Vervaardigers, en die reeks is vir die eerste keer in 1973 aangebied. Die Wêreldtydrenmotor is die huidige motorspesifikasie in die reeks. Dit het ontwikkel uit Groep A-motors wat die verbode Groep B-supermotors vervang het. 'n Wêreldtydrenmotor word gebou op produksie 1.6-liter viersilindermotors, maar beskik oor turbo-aanjaers, vierwielaandrywing, sekwensiële ratkaste, aërodinamiese bakdele en ander verbeterings wat die prys van 'n WRC-motor op ongeveer €700 000 (VS$1 miljoen) te staan bring.[2]

Verwysings[wysig | wysig bron]

  1. "What is WRC?". WRC.com.
  2. "What is WRC? – The cars". WRC.com. Geargiveer vanaf die oorspronklike op 2009-07-03. Besoek op 2008-08-28.