Safaritydren
| |
| Status | Aktief |
| Genre | Motorsportbyeenkoms |
| Datum(s) | Junie |
| Frekwensie | Jaarliks |
| Ligging | Groot Skeurvallei |
| Land | Kenia |
| Ingehuldig | 1953 |
| Webwerf | https://www.safarirally.co.ke/ |
Die Safaritydren (Eng. Safari Rally) is 'n tydren wat in Kenia gehou word. Dit is die eerste keer in 1953 gehou as 'n viering van die kroning van koningin Elizabeth II, in Kenia, Uganda en Tanganjika. Die byeenkoms was deel van die Wêreldtydrenkampioenskap van 1973 tot 2002, voordat dit in 2021 teruggekeer het. Dit word histories beskou as een van die moeilikste byeenkomste in die Wêreldtydrenkampioenskap, en een van die gewildste tydrenne in Afrika. Vanaf 2003 word 'n geskiedkundige byeenkoms (Oos-Afrika Safaritydren) tweejaarliks gehou.
Die roete van 5 000 km het 'n verskeidenheid paaie en terrein gehad - van baie fyn poeiersand, vinnige plaaspaadjies en baie rowwe paaie op of af in die Groot Skeurvallei. Tydens swaar reën sou paaie dikwels in dik, diep modderpoele verander.[1][2] Die byeenkoms is op oop paaie beslis, met die hele roete wat mededingende kilometers was.[3] Die span met die laagste opeenhoping van straftyd tussen tydkontroles is as wenner aangewys.[3]
Spanne het spesiaal versterkte motors vir die geleentheid gebou, met bosbrekers (Eng. bullbars), snorkels (vir vol rivierkruisings) en helder ligte om wild te waarsku teen die aankomende motors.[4][5] In die 1990's het Toyota-span Europa 'n voltydse toetsspan in Kenia gehad wat die tydrenmotors vir die byeenkoms voorberei en getoets het.[6][5] Tydens die tydren moes herstelwerk gereeld aan die motors gedoen word, wat bygedra het tot die oploop van verstreke tyd vir die deelnemers.[7] In latere jare het bandverseëlskuim - wat bande toegelaat het om funksionaliteit te behou ten spyte van 'n lekkasie (pap band) - bestuurders toegelaat om die tydren voet in die hoek aan te pak, ten spyte van die lengte van die byeenkoms.[4]
In 1996 het die tydren die spesiale sneltrajekformaat aangeneem, en die diens van motors vanaf helikopters is verbied.[8] Vanaf daardie uitgawe tot 2002 het dit omstreeks 2000 km se tydryke sneltrajekte, met sneltrajekte meer as 60 km lank, anders as die meeste tydrenne wat minder as 500km totale tydafstand behels het. Dit het beteken dat die wenner se totale tydstraf bo 12 uur in 1996 was en in 2002 tot byna 8 uur afgeneem het. Ten spyte hiervan is die tydren steeds op oop paaie beslis.[9] Die byeenkoms is weggelaat uit die WRC-kalender weens 'n gebrek aan finansies en organisasie in 2003.
Moderne byeenkoms[wysig | wysig bron]
Vanaf die 2003-uitgawe het die byeenkoms deel geword van die Afrika-tydrenkampioenskap.[9] Die byeenkoms is gemoderniseer, met korter skofte en resies op geslote paaie – soos ander byeenkomste in die Wêreldkampioenskap.[10] Twee uitgawes van die tydren - 2007 en 2009 - was ook deel van die Interkontinentale Tydren-uitdaging. In 2013 het die President van Kenia, Uhuru Kenyatta, 'n plan aangekondig om die Safaritydren na die wêreldkampioenskap terug te bring.[11]
In September 2019 is aangekondig dat die 2020-uitgawe deel sal wees van die Wêreldtydrenkampioenskap. Hierdie byeenkoms is later gekanselleer weens die Covid-19-pandemie.[12] Die Safari-tydren het uiteindelik in 2021 teruggekeer na die WRC ná 'n agtien jaar-lange onderbreking van 24–27 Junie, met 'n suksesvolle geleentheid wat in Kenia op die vloer van die Skeurvallei in Naivasha, Nakuru County, gehou is.[13] Sebastian Ogier en Julien Ingrassia het as wenners uit die stryd getree in hul Toyota Yaris WRC.[10] Die Safari het 'n WRC-kontrak tot 2026.[11]
Verwysings[wysig | wysig bron]
- ↑ Davenport, John; Deimel, Helmut (2003). Safari Rally 50 years of the toughest rally in the world. Reinhard Klein, Wilfried Müller, McKlein Photography Köln. Köln: Harms Verlag. ISBN 978-3-927458-08-6. OCLC 76627693.
- ↑ Evans, David (17 Junie 2022). "Safari Rally Kenya ready to test the WRC's greatest like no other". Red Bull (in Engels). Besoek op 15 Augustus 2022.
- ↑ 3,0 3,1 "juwra.com/About timing". Jonkka's World Rally Archive. Geargiveer vanaf die oorspronklike op 8 Mei 2008. Besoek op 15 Mei 2008.
- ↑ 4,0 4,1 Rhodes, Cynan (25 Februarie 1999). "Safari Rally Kenya: Introduction". au.motorsport.com (in Engels). Besoek op 15 Augustus 2022.
- ↑ 5,0 5,1 "What would a modern Safari Rally car look like?". DirtFish (in Engels (VSA)). 14 Julie 2020. Besoek op 15 Augustus 2022.
- ↑ "How tape cassettes sent Sainz to a dominant Safari win". DirtFish (in Engels (VSA)). 22 Junie 2021. Besoek op 15 Augustus 2022.
Grist had been in Kenya for weeks conducting much of TTE's testing and recce preparation for the Safari. Ericsson had headed to Mombasa for a holiday before the rally, leaving Grist in Toyota's team hotel in Nairobi. "Mikael and I had done the recce," said Grist. "In fact, we'd been around the entire 5000-kilometre route four times.
- ↑ "How Mäkinen ignored common sense to conquer the Safari". DirtFish (in Engels (VSA)). 18 Julie 2020. Besoek op 15 Augustus 2022.
- ↑ Davenport, John; Deimel, Helmut (2003). Safari Rally 50 years of the toughest rally in the world. Reinhard Klein, Wilfried Müller, McKlein Photography Köln. Köln: Harms Verlag. ISBN 978-3-927458-08-6. OCLC 76627693.
- ↑ 9,0 9,1 Kihaki, Mike (Februarie 2022). "East Africa Safari Classic, a rich history of rallying". The Standard (in Engels). Besoek op 15 Augustus 2022.
- ↑ 10,0 10,1 Howard, Tom (21 Junie 2022). "WRC Safari Rally: Everything you need to know". www.autosport.com (in Engels). Besoek op 15 Augustus 2022.
- ↑ 11,0 11,1 Njenga, Peter (25 Junie 2022). "Safari Rally rich part of Uhuru Kenyatta legacy and Kenya's sporting history". The East African. Besoek op 15 Augustus 2022.
- ↑ Evans, David (17 Junie 2022). "Safari Rally Kenya ready to test the WRC's greatest like no other". Red Bull (in Engels). Besoek op 15 Augustus 2022.
- ↑ Sport (28 Desember 2021). "Kenya: Safari's Unique Experience Was a Sight to Behold for World Rally Teams". allAfrica.com (in Engels). Besoek op 15 Augustus 2022.