Wisjnoe

in Wikipedia, die vrye ensiklopedie
Spring na: navigasie, soek
Wisjnoe (Śiva)
Wisjnoe en Laksjmi op Sjesja Naga, c. 1870
Wisjnoe en Laksjmi op Sjesja Naga, c. 1870
Devanagari: विष्णु
Abode: Vaikuntha
Wapen: Sudarshana Chakra en die Kaumodaki Sudarshana Chakra en die Kaumodaki
Metgesel: Laksjmi
Rydier: Garuda

Wisjnoe (IAST viṣṇu, Devanagari विष्णु), (eretitel: Bhagavan Wisjnoe), is die Oppergod in die Vaishnavite tradisie van Hindoeïsme. Smartavolgelinge, van onder andere Adi Shankara, vereer Wisjnoe as een van die vyf primêre vorms van God,[1] en sy opperstatus word in die Hindoe heilige geskrifte soos die Yajurveda, die Rigveda en die Bhagavad Gita verklaar.[2][3][4][5][6]

Die Vishnu Sahasranama[7] verklaar Wisjnoe as Paramatma (oppersiel) en Parameshwara (Oppergod). Dit beskryf Wisjnoe as die Allomteenwoordige essensie van alle wesens, die meester van—en verder as—die verlede, hede en toekoms, die skepper en vernieteger van alle bestaan, die een wat die Heelal ondersteun, onderhou en regeer en wat al die elemente daarbinne oorspong gee en ontwikkel.

In die Poeranas word beskryf dat Wisjnoe 'n goddelike kleur van wolke (donkerblou) het met vier arms waar hy 'n lotus, staf, trompetskulp en chakra (wiel) vashou. In die Bhagavad Gita word ook beskryf dat Wisjnoe 'n 'Universele Vorm' (Vishvarupa) het wat buite die perke van die mens se sintuiglike persepsie lê.[8]

Die Poeranas beskryf ook elkeen van die Dasavatara van Wisjnoe. Onder die tien hoof avatars wat beskryf word, het nege in die verlede voorgekom en sal een in die toekoms voorkom teen die einde van die Kali Yuga. In die kommentaar van die skepper Brahma in Wisjnoe Sahasranamam, verwys hy na Wisjnoe as "Sahasrakoti Yuga Dharine", wat beteken dat hierdie inkarnasies in alle Yugas op kosmiese skaal voorkom. Die Bhagavad Gita noem dat hulle doel is om Dharma te vernuwe[9] en negatiewe magte te oorwin en om sy goddelike bedrywighede voor al die gevalle siele te vertoon. In byna alle Hindoedenominasies word Wisjnoe óf direk aanbid óf in die vorm van een van sy tien avatars, soos Rama en Krishna en Siddharta Gautama. Matchett, Freda (2000). Krsna, Lord or Avatara? the relationship between Krsna and Visnu: in the context of the Avatara myth as presented by the Harivamsa, the Visnupurana and the Bhagavatapurana. Surrey: Routledge, 254. ISBN 0-7007-1281-X.  p. 4</ref>

Die Trimoerti ("drie vorms"; Sanskrit: trimūrti) is 'n konsep in Hindoeïsme "waarin die kosmiese funksies van skepping, instandhouding en verwoesting verpersoonlik word deur die vorms van Brahma die skepper, Wisjnoe die instandhouder of bewaarder, en Sjiwa die vernietiger of vervormer."[10][11] Hierdie drie goddelikehede word soms "die Hindoe triade"[12] of die "Groot Drie-eenheid" genoem.[13] Die Bhagavata Poerana verduidelik dat van die drie lede van die Trimoerti, die grootste guns van Wisjnu af verkry kan word.[14]

Verwysings[wysig]

  1. The Sri Vaishnava Brahmans, K. Rangachari (1931)p. 2
  2. Albrecht Weber, Die Taittirîya-Saṃhitâ, Leipzig, Indische Studien 11-12, Brockhaus (1871, 1872) etext
  3. A. Berridale Keith, The Yajur Veda - Taittiriya Sanhita 1914, volledige teks, (aanlyn by sacred-texts.com). Vir spesifieke vers, sien [Kanda V, verse 5.1. http://www.sacred-texts.com/hin/yv/yv05.htm] "all the deities are Agni; the sacrifice is Visnu; verily he lays hold of the deities and the sacrifice; Agni is the lowest of the deities, Visnu the highest"
  4. Devi Chand, The Yajurveda. Sanskrit text with English translation. Third thoroughly revised and enlarged edition (1980).
  5. The Sanhitâ of the Black Yajur Veda with the Commentary of Mâdhava ‘Achârya, Calcutta (Bibl. Indica, 10 volumes, 1854-1899)
  6. As gevolg van verskille in hersienings kan die verse in die Gita in die volle teks van die Mahabharata as hoofstukke 6.25 – 42 genommer wees. (sien: Sastras studies) of as hoofstukke 6.23-40 (The Bhandarkar Oriental Research Institute (BORI) electronic edition. Electronic text (C) Bhandarkar Oriental Research Institute, Pune, India, 1999.) Volgens die hersiening van die Gita waarop Shankaracharya kommentaar gelewer het, is die aantal verse 700, maar daar is getuienis wat daarop dui dat ou manuskripte 745 verse gehad het.(Gambhiranda (1997), p. xvii.)
  7. Sri Vishnu Sahasaranama - Transliterasie en Vertaling van Dreungesang
  8. Prabhupada, AC Bhaktivedanta. “Bhagavad-gita As It Is Hoofstuk 11 Vers 3”. vedabase.net. URL besoek op 2008-05-10. "..see the cosmic manifestation"
  9. Bhagavad Gita 4.7 "...at that time I descend Myself"
  10. Vir 'n aanhaling wat die trimurti definieer sien Matchett, Freda. "The Purāṇas", in: Flood (2003), p. 139.
  11. For the Trimurti system having Brahma as the creator, Vishnu as the maintainer or preserver, and Shiva as the transformer or destroyer see: Zimmer (1972) p. 124.
  12. For definition of trimurti as "the unified form" of Brahmā, Viṣṇu and Śiva and use of the phrase "the Hindu triad" see: Apte, p. 485.
  13. For the term "Great Trinity" in relation to the Trimurti see: Jansen, p. 83.
  14. http://vedabase.net/sb/1/2/23/en