Witjie

in Wikipedia, die vrye ensiklopedie
Jump to navigation Jump to search

Witjies
Pioneer (Anaphaeis aurota) W IMG 0387.jpg
’n Grasveldwitjie (Belenois aurota)
Wetenskaplike klassifikasie
Koninkryk:
Filum:
Klas:
Orde:
Suborde:
Superfamilie:
Familie:
Pieridae

Swainson, 1820
Subfamilies

Dismorphiinae
Pseudopontiinae
Pierinae
Coliadinae

Diversiteit
76 genera
1,051 spesies

Witjies (Pieridae) is ’n familie van skoenlappers in die superfamilie Papilionoidea. Die familie bestaan uit meer as 1000 verskillende spesies, en word meestal aangetref in die Afrotropiese gebied en die suid-oostelike gebiede van Asië. Sommige spesies kom voor in die noordelike gebiede van Noord-Amerika.[1]

Kenmerke[wysig | wysig bron]

Hoewel die naam aandui dat lede van hierdie familie wit is, is dit nie altyd die geval nie. Geel, oranje, rooi en selfs swart witjies kom ook voor. ’n Aantal kenmerke is min of meer algemeen vir die spesies uit die Pieridae-familie:

  • Die skoenlappers is van mediumgrootte. Die vlerkspan is gewoonlik rondom 50 mm.[2]
  • Die voorpootjes is ten volle ontwikkel en alle pootjies het gevurkte kloutjies.
  • Die vlerke het ’n beperkte aantal kleure en absorbeer ultraviolet lig in spesifieke patrone, waardeur moontlike maats geïdentifiseer kan word.
  • Daar is dikwels geslagsdimorfie, ’n duidelike verskil in voorkoms tussen die mannetjies en wyfies.
  • Die kleurpigment van die vlerkskubbe is afkomstig van afvalstowwe in die liggaam.[3]
  • Die wyfies het 'n kenmerkende stekel op die kop.

Bronne[wysig | wysig bron]

Verwysings[wysig | wysig bron]

  1. DeVries P. J. in Levin S.A. (ed) 2001. The Encyclopaedia of Biodiversity. Academic Press.
  2. "SANBI Biodiversity Series 16. Butterflies of South Africa's National Botanical Gardens: An illustrated checklist compiled by Christopher K. Willis & Steve E. Woodhall. 2010" (PDF). Besoek op 2 Mei 2016. 
  3. Hopkins, F. Gowland (1895). The Pigments of the Pieridae: A Contribution to the Study of Excretory Substances Which Function in Ornament.