Wobbe-indeks

in Wikipedia, die vrye ensiklopedie
Jump to navigation Jump to search

Die Wobbe-indeks van 'n brandgas is 'n indikasie van die uitruilbaarheid van brandstofgasse soos natuurlike gas, vloeibare petroleum gas (VPG), en dorpsgas. Dit is dus 'n aanduiding van die hoeveelheid energie wat 'n gas beskikbaar kan stel.

Waar

= Wobbe indeks
= Hittewaarde van die gas
= Relatiewe digtheid van die gas

Indien die hoër hittewaarde gebruik word, word die hoër Wobbe indeks bereken.

Indien die laer hittewaarde gebruik word, word die laer Wobbe indeks bereken.

Definisies[wysig | wysig bron]

Hittewaarde

Die hoeveelheid hitte wat vrygestel word wanneer 'n spesifieke stof verbrand. Dit word gemeet in die energie vrygestel per massa van die stof, bv kJ/kg, kJ/kmol, kkal/kg, ens.

Dit word bepaal deur die gas in 'n kaloriemeter te verbrand. 'n Kaloriemeter is 'n toestel wat bloot die temperatuur van die gasmengsel meet.

Ter illustrasie:

  • Plaas 1 kmol metaan (CH4) in die kaloriemeter teen 25 °C
  • Verbrand dit met lug volgens die reaksie CH4 + O2 → CO2 + H2O + Energie
  • Bepaal die eindtemperatuur
  • Bepaal die hitte wat afgegee is met die formule Q = m.cpΔT

Hoër of bruto hittewaarde (HHW)

Dit is dieselfde as die termodinamiese hitte van verbranding. Dit word bepaal deur die gas te verbrand en af te koel tot by die begintemperatuur (gewoonlik 25 °C). Al hierdie hitte is die bruto hittewaarde. Omdat die afkoeling ook die kondensering van die waterdamp insluit dra die kondensering van die water by tot die bruto hittewaarde. In 'n verbrandingsoond is die uitlaatgasse egter hoër as die kookpunt van water, dus verlaat die water die oond as waterdamp. Die latente hitte van die gas word dus in effek verloor na die atmosfeer. Daarom word daar onderskei tussen die bruto en netto hittewaarde.

Laer of netto hittewaarde (LHW)

Dit is die bruto hittewaarde minus die energie wat gebruik is om die water te verdamp. Dit neem dus nie die energie in die waterdamp in ag nie en is die effektiewe hoeveelheid energie wat beskikbaar is in 'n verbrandingsoond.

Kyk ook[wysig | wysig bron]