Ysteroksied

Groen en rooibruin vlekke op 'n kalksteenbasis, wat elk ooreenstem met die oksiede/hidroksiede van Fe²⁺ en Fe³⁺.

Elektrochemies-geöksideerde yster, ook bekend as roes.

Die rooi kleur van Kalaharisand is weens 'n lagie ysteroksied op die kwartskorrels

'n Ysteroksied is 'n chemiese verbinding van yster met suurstof met algemene formule Fe_xO_y.

Daar is verskillende ysteroksiede omdat hierdie element dikwels in twee oksidasietoestande (II en III) optree. Die belangrikste ysteroksiede is:

• Yster(II)oksied FeO
• Yster(III)oksied Fe₂O₃
• Yster(II/III)oksied Fe₃O₄

Ysteroksiede speel 'n belangrike rol in die geochemie en in die navorsing van paleomagnetisme. Daar is heelparty minerale wat ysteroksiede is, bv.:

• FeO: wüstiet
• Fe₂O₃: hematiet, maghemiet
• Fe₃O₄: magnetiet

Sien ook

• Roes