Zahara
Zahara | |
|---|---|
.jpg) | |
| Agtergrondinligting | |
| Geboortenaam | Bulelwa Mkutukana |
| Gebore | 9 November 1988 Phumlani, Oos-Kaap (Suid-Afrika) |
| Genres | Afrosoul |
| Beroep(e) | Sangeres-liedjieskryfster, digteres |
| Instrumente | Akoestiese kitaar |
| Etikette | EMI South Africa |
Zahara, regte naam Bulelwa Mkutukana (gebore 9 November 1988 in Phumlani, Oos-Kaap), is 'n Suid-Afrikaanse sangeres. Haar musiek word losweg as "Afrosoul" geklassifiseer, en sy sing in haar moedertaal, Xhosa, asook in Engels.[1] Haar musiek is al beskryf as 'n mengsel van die style wat deur Tracy Chapman, India.Arie en die Nigeriese sangeres Aṣa gepopulariseer is.[2]
Zahara se debuutalbum Loliwe is in 2011 uitgereik. Die eerste stapel kopieë is binne 72 uur uitverkoop[1] en negentien dae later het die album die 100 000-verkoopsyfer oorskry.[3] Sy is slegs die tweede kunstenaar om hierdie mylpaal te behaal, ná Brenda Fassie wie se Memeza 500 000 kopieë net 'n paar weke ná vrystelling verkoop het.[3]
Sy verower 8 SAMA-toekennings vir haar album Loliwe by die 19de Suid-Afrikaanse Musiekpryse in 2013.[4]
Zahara is in die Phumlani informele nedersetting buite Oos-Londen in die Oos-Kaap gebore. Sy het van kleins af 'n voorliefde vir sang gehad en haar talent is raakgesien toe sy die hoofsanger van die plaaslike Sondagskool-koor in Phumlani geword het.
"Zahara" beteken "bloeiende blom".
Diskografie[wysig | wysig bron]
- Loliwe (2011)
- The Beginning Live (2012)
- Nelson Mandela (2013)
- Phendula (2013)
- Country Girl (2015)
Verwysings[wysig | wysig bron]
- ↑ 1,0 1,1 Zahara Sells Out In 72 Hours (Webartikel). MIO. URL besoek op 2011-10-18.
- ↑ "Zahara is going places real fast" (Webartikel). Sowetan (in Engels). Geargiveer vanaf die oorspronklike op 10 September 2017. Besoek op 18 Oktober 2011.
- ↑ 3,0 3,1 "Zahara's CD flies off shelves". Sowetan (in Engels). Geargiveer vanaf die oorspronklike (Webartikel) op 15 Maart 2019. Besoek op 18 Oktober 2011.
- ↑ "SAMA Breaking News!" (in Engels). Geargiveer vanaf die oorspronklike op 1 Mei 2017. Besoek op 24 Maart 2017.