Zamiaceae

Broodpalms; Zamiaceae
	Jozinibroodboom (E. senticosus); in die Pretoria Botaniese Tuin
Wetenskaplike klassifikasie
Koninkryk:	Plantae
Divisie:	Cycadophyta
Klas:	Cycadopsida
Orde:	Cycadales
Familie:	Zamiaceae; Horan.
Genera
	Dioon; Encephalartos; Macrozamia; Lepidozamia; Ceratozamia; Microcycas; Chigua; Zamia;

Zamiaceae, die broodpalmfamilie, is 'n sikadee familie wat tot die orde Cycadales behoort. Die sikadee-orde het reeds 235 tot 65 miljoen jaar gelede gefloreer. Wêreldwyd is daar 150 oorlewende spesies waarvan 40 in Suider-Afrika voorkom en 35 boomgrootte kan bereik.

Kenmerke[wysig | wysig bron]

Die krone van broodpalms bestaan uit groot, palmagtige blare en hulle kan aldus met boomvarings of egte palms verwar word. Broodbome produseer egter keëls (na regte strobili) in plaas van spoorhopies of blomme. Die manlike en vroulike keëls word op afsonderlike planteksemplare gedra. Die sade is groot en langwerpig met 'n vlesige bedekking wat dikwels heldergeel, oranje of rooi kan wees. Die sade van sommige spesies is giftig.

Slegs die genera Encephalartos en (monotipiese) Stangeria kom in Suid-Afrika voor. Encephalartos, die broodbome, omvat 68 spesies waarvan meer as 17 boomgrootte bereik. Dié familie kry sy naam omrede die murg in die stamme van die meeste broodbome stysel van hoë gehalte lewer wat tot meel verwerk kan word om brood mee te bak.

Bewaring[wysig | wysig bron]

Broodpalms is waardevolle versamelitems en dié bome wat in die natuur voorkom word almal streng bewaar. Ongelukkig verplant die bome maklik en word gereeld gesteel.