Zlatan Ibrahimović
 Ibrahimović in 2018 | |||
| Persoonlike inligting | |||
|---|---|---|---|
| Geboortenaam | Zlatan Ibrahimović[1] | ||
| Geboortedatum | 3 Oktober 1981[1] | ||
| Geboorteplek | Malmö, Skone, Swede | ||
| Lengte | 1.95 m[2] | ||
| Speelposisie | Doelskieter | ||
| Jeugloopbaan | |||
| 1989–1991 | Malmö BI | ||
| 1991–1995 | FBK Balkan | ||
| 1995–1999 | Malmö FF | ||
| Seniorloopbaan* | |||
| Jare | Span | Kere† | (Doele)† |
| 1999–2001 | Malmö FF | 40 | (16) |
| 2001–2004 | Ajax | 74 | (35) |
| 2004–2006 | Juventus | 70 | (23) |
| 2006–2009 | Inter | 88 | (57) |
| 2009–2011 | Barcelona | 29 | (16) |
| 2010–2011 | → AC Milan (leen) | 29 | (14) |
| 2011–2012 | AC Milan | 32 | (28) |
| 2012–2016 | Paris Saint-Germain | 122 | (113) |
| 2016–2018 | Manchester United | 33 | (17) |
| 2018–2019 | LA Galaxy | 56 | (52) |
| 2020–2023 | AC Milan | 64 | (34) |
| Totaal | 637 | (405) | |
| Nasionale span | |||
| 1999 | Swede o/18 | 4 | (1) |
| 2001 | Swede o/21 | 7 | (6) |
| 2001–2023 | Swede | 122 | (62) |
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Zlatan Ibrahimović (gebore 3 Oktober 1981) is ’n Sweedse voormalige professionele sokkerspeler van Bosniese en Kroatiese afkoms.[3] Hy het as ’n aanvaller (doelskieter) gespeel. Ibrahimović is bekend vir sy akrobatiese doele, goeie tegniek, balbeheer en sterk fisieke spel. Hy word gesien as een van die beste aanvallers van alle tye en het 34 trofeë in sy loopbaan gewen. Hy het meer as 570 doele aangeteken, insluitend meer as 500 vir verskillende klubs, en het in vier dekades (1990’s tot 2020’s) doele aangeteken.
Hy het in 1999 by Malmö FF begin speel en het in 2001 na Ajax in Nederland gegaan. Daar het hy twee ligatitels gewen. Daarna het hy by Juventus in Italië aangesluit, en toe by Inter Milaan in 2006. Hy het drie Serie A-titels met Inter gewen. In 2009 het hy na Barcelona in Spanje gegaan in een van die duurste oordragte destyds. Na een seisoen het hy teruggegaan Italië toe en by AC Milan aangesluit, waar hy die liga gewen het in sy eerste seisoen.
In 2012 het hy by Paris Saint-Germain (PSG) in Frankryk aangesluit. Hy het vier Ligue 1-titels gewen, was drie keer die topdoelskieter, en het PSG se topskieter van alle tye geword. In 2016 het hy by Manchester United aangesluit en verskeie bekers gewen. In 2018 het hy in Amerika vir Los Angeles Galaxy begin speel, en in 2020 het hy teruggekeer na Milan, waar hy in 2022 weer die Serie A gewen het.
Ibrahimović het 122 keer vir die Sweedse nasionale span gespeel oor 20 jaar en is hul topskieter met 62 doele. Hy het aan twee Wêreldbekertoernooie (2002 en 2006) en vier Europese Kampioenskappe (2004, 2008, 2012, 2016) deelgeneem. Hy het 12 keer die Guldbollen gewen as Sweedse speler van die jaar – tien keer agter mekaar van 2007 tot 2016.
Sy bekende fietsdoel van 35 meter teen Engeland het die 2013 FIFA Puskás-toekenning gewen.[4] Hy is ook bekend vir ander wonderlike doele, soos ’n hakskop-doel tydens die EK-wedstryd teen Italië in 2004.[5][6][7][8] Hy was in FIFA en UEFA se wêreldspanne, en in 2013 was hy vierde vir die Ballon d’Or.[9] In 2014 het ’n Sweedse koerant hom as die tweede grootste Sweedse sportheld ooit aangewys, na Björn Borg.[10]
Na sy loopbaan was Ibrahimović diep betrokke by interne organisatoriese sake van AC Milan.[11][12] Hy het ook bande met die Stockholmse klub Hammarby, waar hy ’n groot deel van die aandele besit. Toe sy samewerking met Hammarby aangekondig is, het woedende ondersteuners van sy voormalige klub, Malmö FF, sy standbeeld buite die MFF-stadion omgestoot.[13]
Verwysings
[wysig | wysig bron]- 1 2 "FIFA Club World Cup UAE 2009 presented by Toyota: List of Players" (PDF). FIFA. 1 Desember 2009. p. 1. Geargiveer vanaf die oorspronklike (PDF) op 29 Junie 2019. Besoek op 28 Maart 2014.
- ↑ "Ibrahimovic Zlatan". Paris Saint-Germain F.C. Geargiveer vanaf die oorspronklike op 2 Mei 2017. Besoek op 18 Julie 2012.
- ↑ "Zlatan Ibrahimovic: 'I'm Never Satisfied'". The New York Times. 6 Junie 2014. Geargiveer vanaf die oorspronklike op 6 Junie 2014. Besoek op 28 Julie 2025.
- ↑ "Zlatan Ibrahimovic's famous 30-yard bicycle kick vs England". YouTube. GOAL. 15 November 2012. Besoek op 28 Julie 2025.
- ↑ "EURO 2004 highlights: Sweden 1-1 Italy". YouTube. UEFA. 21 April 2016. Besoek op 28 Julie 2025.
- ↑ Bailey, Ryan (21 Oktober 2013). "Zlatan Ibrahimovic's 10 Best Goals". Bleacher Report (in Engels). Besoek op 26 November 2023.
- ↑ "Ten great EURO moments: Ibrahimović's volley". UEFA (in Engels). 9 Junie 2016. Besoek op 26 November 2023.
- ↑ Spencer, Jamie (8 Junie 2021). "The best goals in European Championship history". 90min.com (in British English). Geargiveer vanaf die oorspronklike op 23 November 2023. Besoek op 26 November 2023.
- ↑ "The 100 best footballers in the world 2013". The Guardian. 20 Desember 2013. Geargiveer vanaf die oorspronklike op 4 Mei 2019. Besoek op 1 Januarie 2014.
- ↑ "Zlatan Ibrahimovic: Striker fumes as Borg is top sporting Swede". BBC Sport. 23 Desember 2014. Geargiveer vanaf die oorspronklike op 15 Maart 2016. Besoek op 23 Desember 2014.
- ↑ "Cardinale, la voce del padrone" (in Italiaans). Panorama. 1 Maart 2024. Besoek op 22 April 2024.
- ↑ "Ibrahimovic, il re del Milan" (in Italiaans). Panorama. 16 April 2024. Besoek op 22 April 2024.
- ↑ "The curious case of the ever-vandalised Zlatan Ibrahimovic statue". The Guardian. 8 Januarie 2020. Besoek op 28 Julie 2025.
