50 Cent

in Wikipedia, die vrye ensiklopedie
Spring na: navigasie, soek
50 Cent
50-cent.jpg
50 Cent buite 'n gebou in New York Stad in 2006
Geboortenaam Curtis James Jackson III
Alias 50 Cent
Oorsprong New York Stad, New York, VSA
Geboorte 6 Julie 1975
Suid-Jamaika, Queens, New York Stad, V.S.A.
Beroep(e) Kletskunstenaar
Akteur
Entrepreneur
Sanger
Uitvoerende Vervaardiger
Genre(s) Kletskuns, hip-hop
Aktiewe jare 1998 – hede
Uitgewer(s) Jam Master Jay
Columbia
Violator
Aftermath/Shady/G-Unit/Interscope
Ill Flava Records
Baby Ray Productions
Webwerf 50cent.com
thisis50.com
Assosiasies G-Unit, Eminem, Dr. Dre, Mobb Deep, Sha Money XL, Ciara, Karl Hinds, Akon
Portal.svg Musiekportaal

Curtis James Jackson III (gebore op 6 Julie 1975)[1] is 'n kletskunstenaar wat algemeen bekendstaan as 50 Cent. Hy word ook herken onder die byname Fifty Cent en Fiddy Cent. Hy het bekendheid verwerf na die sukses van sy albums Get Rich or Die Tryin' (2003) en The Massacre (2005). 50 Cent het multi-platinum status bereik met beide albums. Hy het al ongeveer 22 miljoen albums wêreldwyd verkoop.[2]

50 Cent is gebore in Suid-Jamaika, Queens en het begin om met dwels handel te dryf op twaalfjarige ouderdom gedurende die 1980'a se kokaïen epidemie.[3] Nadat hy dwelmhandel verlaat het om 'n kletsmusiekloopbaan te volg, is hy in 2000 nege keer geskiet. Na die vrystelling van sy album Guess Who's Back? in 2002, is 50 Cent ontdek deur die kletskunstenaar Eminem en het hy 'n platekontrak by Interscope Records geteken. Met die hulp van Eminem en Dr. Dre—wie sy eerste kommersiële suksesse vervaardig het—het hy een van die wêreld se klestkunstenaars met die hoogste verkope geword. In 2003 het hy sy eie platemaatskappy, G-Unit Records, gestig wat verskeie suksesvolle kletskunstenaars soos Young Buck, Lloyd Banks en Tony Yayo gevestig het.

50 Cent het in bekgevegte betrokke geraak met ander kletskunstenaars, wat Ja Rule, The Game, Fat Joe en onlangs ook Rick Ross insluit. Hy het ook 'n loopbaan as akteur nagestreef met 'n verskyninh in die semi-outobiografiese rolprent Get Rich or Die Tryin' in 2005, die rolprent oor die Irakkese oorlog genaamd Home of the Brave in 2006 en Righteous Kill in 2008.

Lewe en musiekloopbaan[wysig]

Vroeë lewe[wysig]

50 Cent, gebore Curtis Jackson III, het in die Suid-Jamaika buurt van Queens in New York Stad grootgeword. Hy het sonder 'n pa grootgeword en sy ma Sabrina, wat op vyftien geboorte aan hom geskenk het, het hom grootgemaak. Sabrina, 'n kokaïenhanelaar, het 50 Cent tot op agtjarige ouderdom grootgemaak toe sy vermoor is in 1983. Op drie-en-twintig het sy bewusteloos geword nadat haar drankie vergiftig is. Sy is in daardie toestand haar woonstel gelaat met die gas oopgedraai en die vensters toe..[4][5] Na haar dood het 50 Cent by sy grootouers se huis met agt ooms en tannies ingetrek.[1][6][7] Hy onthou "My ouma het gesê 'Jou ma kom nie huistoe nie. Sy gaan nie terugkom om jou op te laai nie. Jy gaan nou saam met ons bly.' Dis toe ek begin aanpas het om op straat te oorleef".[8] 50 Cent het saam met sy neef Michael Francis (ook bekend as Two Five) grootgeword, wat die bynaam "25 Cent" gekry het omdat hy die jonger ewebeeld was. Francis is 'n kletskunstenaar onder die naam "Two Five".[9]

50 Cent het begin boks op die ouderdom van elf. Op veertien het 'n buurman 'n boksgimnasium geopen vir die kinders van dei omgewing. "As ek nie tyd gemors het in skool nie het ek geskerm in die gimnasium og kokaïen op straat verkoop", onthou hy.[10] In die middel 1980's het hy in die Junior Olimpiese Spele deelgeneem aan amateur boks. Hy herinner, "Ek was kompeterend in die kryt en hip-hop is ook kompeterend... Ek dink kletskunstenaars berei hulself voor soos boksers sodat elkeen voel hy is die kampioen".[11] Op twaalfjarige ouderdom het 50 Cent begin handel dryf met verdowingsmiddels terwyl sy grootouers gedink het hy is besig met buitemuurse aktiwiteite op skool.[12] Hy het ook gewere en dwelmgeld skooltoe gevat. In graad tien is hy deur 'n metaalverklikker uitgevang by die Andrew Jackson Hoërskool. Hy het later gesê "Ek was verbouereerd om so gearresteer te word... Nadat ek gearresteer is het ek opgehou om dit weg te steek. Ek het [openlik] vir my ouma gesê 'Ek verkoop dwelms'".[8]

Op 29 Junie 1994 is 50 Cent gearresteer omdat hy gehelp het om vier buisies kokaïen aan 'n geheime polisie-offisier te verkoop. Drie weke later is hy weer gearresteer toe die polisie sy huis deursoek het en heroïne, tien onse kokaïne en 'n geweer gekry het. Hy is gevonnis tot drie tot nege jaar in die gevangenis, maar het dit reggekry om ses maande in 'n skok gevangesetting uit te dien, waar hy sy Algemene Opvoedingsontwikkeling (General Education Development) gekry/geslaag het. 50 Cent het gesê dat hy self nie kokaïne gebruik het nie maar dat hy dit net verkoop het[1][13][14] Hy het die bynaam "50 Cent" aangeneem as 'n metafoor vir "change" (sinspeel op kleingeld asook verandering).[15] Die naam is afgelei van Kelvin Martin, 'n 1980's Brooklynrower wat bekend gestaan het as "50 Cent". 50 Cent het die naam gekies "want dit sê alles wat ek wil sê. Ek si dieselfde tipe persoon wat 50 Cent was. Ek sorg vir myself op enige moontlike manier".[16]

1996–2000: Vroeë loopbaan[wysig]

50 Cent het begin met kletsmusiek in 'n vriend se kelder waar hy 'n plaatspeler gebruik het om oor instrumentele musiek op te neem.[17] In 1996 het 'n vriend hom aan Jam Master Jay van Run-DMC voorgestel wat aan die bestuur van Jam Master Jay Records gestaan het. Jay het hom geleer hoe om mate uit te tel, refreine te skryf, liedjies te struktureer en hoe om 'n opname te maak.[18][19] 50 Cent se eerste amptelike optrede was met 'n lied genaamd React met die groep Onyx op hulle 1998-album Shut 'Em Down. Hy het erkenning aan Jam Master Jay gegee as 'n invloed wat hom gehelphet om sy skryfvermoeë van vassteekwysies te verbeter.[11] Jay produced 50 Cent's first album, however it was never released.[4] In 1999, nadat hy Jam Master Jay verlaat het, het die vervaardigers van verskeie platinum-albums, Trackmasters, kennis geneem van 50 Cent en hy het 'n kontrak met Columbia Records geteken. Hulle het hom na 'n ateljee in die noorde van die staat New York waar hy ses-en-dertig liedjies in twee weke opgelewer het.[5] Agtien daarvan is in sy eerste nie-amptelike album, Power of the Dollar in 2000, opgeneem.[20] Hy het ook die uitgediende Hollow Point Entertainment met sy voormalige G-Unit vennoot, Bang 'Em Smurf.[21][22]

50 Cent se gewildheid het begin toeneem na die suksesvolle dog kontroversiële klandestiene treffer, "How to Rob", wat hy in 'n halfuur geskryf het in 'n motor oppad na die ateljee.[15][23] Die snit verduidelik op komiese wyse hoe hy bekende kunstenaars sou besteel. Hy het die gedagtegang agter die inhoud van die liedjie verduidelik soos volg verduidelik: "Daar is 'n honderd kunstenaars by die platemaatskappy, jy moet jouself onderskei van daardie groep en jouself relevant maak".[15] Kletskunstenaars soos Jay-Z, Kurupt, Sticky Fingaz, Big Pun, DMX, Wyclef Jean en die Wu-Tang Clan het gereageer op die liedjie[23] en Nas, wat die liedjie positief ontvang het, het 50 Cent uitgenooi om op 'n promosionele toer vir sy Nastradamus-album saam met hom te gaan.[7] Die liedjie was bedoel om saam met "Thug Love" met Destiny's Child vrygestel te word maar twee dae voor daar begin sou word om "Thug Love" se musiekvideo te verfilm is 50 Cent geskiet en opgeneem in die hospitaal as gevolg van die wonde.[24]

2000–2001: Skietvoorval[wysig]

On 24 Mei 2000, is 50 Cent deur 'n skieter (die vermeende skieter was Darryl "Hommo" Baum) buite sy ouma se huis in Suid-Jamaika, Queens. Hy het in 'n vriend se kar geklim maar is gevra om juwele te gaan haal. Sy seun was in die huis en sy ouma in die voortuin.[5] Toe hy terugkom by die kar het 'n ander motor nader getrek. 'n Aanvaller het 50 Cent van die linkerkant genader met 'n 9mm pistool en het nege skote op kort afstand afgevuur. 50 Cent is nege keer gewond: in die hand ('n rondte het sy regterduim getref en by sy pinkie uitgekom), arm, heup, albei bene, borskas en linker wang.[4][8][25] Die wond aan sy gesig het 'n geswelde tong, die verlies van 'n verstandtand en slordige uitspraak tot gevolg gehad.[7][8][26] Sy vriend het ook 'n wond aan die hand opgedoen. Hulle is na die hospitaal geneem waar 50 Cent dertien dae deurgebring het. Die vermeende skieter, Darryl Baum, is drie weke later oorlede.[27] Darryl Baum was ook 'n goeie vriend en lyfwag van Mike Tyson.[28]

50 Cent herinner die voorval só: "Dit gebeur so vinnig dat jy nie eens kans kry om terug te skiet nie... Ek was die heeltyd bang... Ek het in die tru-spieël gekyk en het gedink, 'O *$%, iemand het my in die gesig geskiet! Dit brand, brand, brand.'"[8] In sy gedenkskrif, From Pieces to Weight: Once upon a Time in Southside Queens, skryf hy, "Nadat ek nege keer op kort afstand geskiet is en oorleef het, het ek begin dink dat ek 'n doel in die lewe het... Hoeveel meer skade kon daardie nie doen nie? Net 'n duim na links of regs en ek is weg".[1] Vir die eerste ses weke na die voorval het hy 'n loopraam gebruik en na vyf maande het hy volkome herstel. Toe hy die hospitaal verlaat het het hy in die Pocono-gebergte gewoon met sy meisie van daardie tyd en sy seun. Sy oefenregiem het hom gehelp om sy gespierde liggaamsbou te vorm.[4][8][29]

Terwyl hy in die hospitaal was het 50 Cent 'n platekontrak by Columbia Records geteken. Hy is egter deur die maatskappy laat vaar en is op die "swart lys" van die plate-industrie geplaas na uitgevind is dat hy geskiet is. Hy het na Kanada gereis omdat hy nie 'n ateljee in die V.S.A. kon kry om mee te werk nie.[30][31] Saam met sy sakevennoot, Sha Money XL, het hy meer as dertig liedjies vir mengelbandjies, met die doel om 'n reputasie op te bou. 50 Cent se gewildheid het toegeneem en in 2002 het hy 'n onafhanklike mengelbandjie vrygestel genaamd Guess Who's Back?. Hy het daardeur aandag getrek en het, met die ondersteuning van G-Unit het hy aangehou musiek maak. Hulle het 'n mengelbandjie genaamd 50 Cent Is the Future vrygestel met die hersiene werk Jay-Z en Raphael Saadiq.[20]

2002–hede: Opgang na gewildheid[wysig]

In 2002 het Eminem na 'n kopie van 50 Cent se Guess Who's Back? CD geluister. Hy het die CD gekry deur middel van 50 Cent se prokureur wat saam met Eminem se bestuurder, Paul Rosenberg, gewerk het.[24] Eminem was beïndruk met die album en het vir 50 Cent genooi om na Los Angeles te vlieg waar hy aan Dr. Dre voorgestel is.[4][18][24] Nadat hy 'n platekontrak van een miljoen dollar geteken het,[18] het 50 Cent die mengelbandjie No Mercy, No Fear vrygestel. Dit het een nuwe liedjie genaam "Wanksta" ingesluit, wat op Eminem se 8 Mile-klankbaan geplaas is.[20] Hy het ook aangesluit by Chris Lighty se Violator Management en Sha Money XL se Money Management Group.

In Bangkok, Thailand, 26 Februarie 2006

In Februarie 2003 is 50 Cent se kommersiële debuutalbum Get Rich or Die Tryin' vrygestel. Allmusic het dit beskryf as "waarskynlik die mees opbelgase debuutalbum van 'n kletskunstenaar in ongeveer 'n dekade".[32] Rolling Stone het gemerk dat die album "dark synth grooves, buzzy keyboards and a persistently funky bounce" het met 50 Cent wat die produksie komplementeer in 'n "onverstoorbare, ontspanne vloei".[33] Dit het op nommer een op die Billboard 200 gedebuteer met verkope van 872,000 in die eerste vier dae.[34] Die eerste treffer, "In da Club", wat deur The Source tydskrif aangeteken is vir die "blaring horns, funky organs, guitar riffs and sparse hand claps",[35] het 'n Billboard-rekord verbeter as die liedjie wat die meeste binne 'n week geluister is in die geskiedenis van die radio.[36]

Interscope het vir 50 Cent sy eie platemaatskappy, G-Unit Records in 2003 gegee.[37] Hy het kontrakte met Lloyd Banks, Tony Yayo en Young Buck geteken as die gevestigde lede van G-Unit. The Game (kletskunstenaar) het later ook aangesluit deur 'n gesamentlike onderneming met Dr. Dre se Aftermath Entertainment. In Maart 2005 het 50 Cent se tweede kommersiële album, The Massacre, 1.14 miljoen eenhede binne die eerste vier dae verkoop—die hoogste in 'n verkorte verkoopsiklus[34]— en was nommer een op die Billboard 200 vir ses weke.[38] Hy het die eerste solo-kunstenaar geword wat drie treffers op die Billboard se top vyf in dieselfde week gehad het met "Candy Shop", "Disco Inferno" en "How We Do".[39] Rolling Stone het aangeteken dat "50 se geheime wapen is sy sangstem — die misleidende amateur-klinkende tenoor neurie wat hy aanwend op omtrent elke refrein".[40]

From left: Met Olivia (sanger), Lloyd Banks en Young Buck in Bangkok, Thailand, Februarie 2006

Na The Game se vertrek het 50 Cent platekontrakte met Olivia en die kletsveterane Mobb Deep vir G-Unit Records geteken. Spider Loc, M.O.P. en Young Hot Rod het later ook by die maatskappy aangesluit.[41][42] 50 Cent het belangstelling getoon om met kletskunstenaars buite G-Unit Records te werk, soos Lil' Scrappy van BME Recordings, LL Cool J van Def Jam, Mase van Bad Boy Records en Freeway van Roc-A-Fella, met van wie hy al saamgewerk het.[43] In September 2007 is sy derde album Curtis vrygestel, wat deur sy lewe voorGet Rich or Die Tryin'.[44] Dit het op nommer twee op die Billboard 200 gedebuteer met verkope van 691,000 eenhede in die eerste week,[45] onder Kanye West se Graduation, met wie hy 'n verkoopskompetisie gehad het omdat albei albums op dieselfde dag vrygestel is. Hy het op TRL op 10 September 2008 bevestig dat sy vierde album, Before I Self Destruct, gereed sal wees om November vrygestel te word. Op 18 Mei 2009 het 50 Cent 'n liedjie getitel "Ok, You're Right" vrygestel[46]. Die liedjie is vervaardig deur Dr. Dre en gaan in Before I Self Destruct ingesluit word.

Nie-musiek projekte[wysig]

50 Cent het homself gevestig in 'n verskeidenheid van velde. In November 2003 het hy 'n vyf-jaar transaksie met Reebok aangegaan om 'n "G-Unit Seilskoen" reeks as deel van sy G-Unit Klerasiemaatskappy te versprei.[47][48] Hy het die agtergrondstem as die protagonis in die video-speletjie, 50 Cent: Bulletproof verskaf, wat vir PlayStation 2, Xbox, en die PlayStation Portable vrygestel is. Die opvolg, 50 Cent: Blood on the Sand, is vroeg in 2009 vrygestel.[49][50] Hy het met Glacéau saamgewerk om 'n vitamine-water drankie genaamd "Formula 50" te skep. In 2007 het Coca-Cola Glacéau vir 4.1 miljard (Amerikaanse biljoen) dollar gekoop. Forbes het geraam dat 50 Cent, wat 'n aandeel in die maatskappy gehad het, 100 miljoen dollar na belasting ontvang het.[51] Hy het ook met Right Guard saamgewerk om 'n liggaamsproei genaamd Pure 50 RGX Body Spray en 'n kondoom-reeks genaamd Magic Stick Condoms bekend de stel,[52] waarvan hy beplan het om 'n deel van die opbrengs vir MIV-bewustheid te skenk.[53] 50 Cent het 'n multi-jaar transaksie met Steiner Sports aangegaan om sy memorabilia te verkoop.[54]

In 2005 het 50 Cent 'n kameeverskyning op The Simpsons-episode, "Pranksta Rap" gemaak waarin hy die gek skeer met sy wetlike moeilikhede. In dieselfde jaar het hy saam met Terrence Howard in die semi-outobiografiese rolprent, Get Rich or Die Tryin' gespeel. Hy was ook te sien in die 2006 rolprent Home of the Brave as 'n soldaat wat getraumatiseerd huistoe kom na die Irakse Oorlog nadat hy 'n Irakse vrou doodgeskiet het.[55] 50 Cent werk aan 'n rol as 'n vegter in 'n Angolese staatsgevangenis saam met Nicholas Cage, en het teenoor Al Pacino en Robert De Niro in 2008 se Righteous Kill gespeel wat handel oor die dood van 'n polisieman.[56] Verder het hy die rolprentvervaardigingsmaatskappye G-Unit Films in 2007 en Cheetah Vision in 2008 begin.[57][58] In Augustus 2007 het 50 Cent planne bekend gemaak om 'n dieet aanvullingsmaatskappy saam met sy rolprent Spectacular Regret te lanseer.[59]

50 Cent en Val Kilmer, 2009

Kort voor sy verskyning in Get Rich or Die Tryin' het 50 Cent 'n gedenkskrif omtrent sy lewe en hoe hy sukses bereik het bekend gestel, getiteld From Pieces to Weight: Once upon a Time in Southside Queens. Op 4 Januarie 2007 het hy sy G-Unit Books drukkersnaam by die Time Warner Gebou bekend gestel.[60] Hy was ook mede-skrywer aan The Ski Mask Way, 'n roman omtrent 'n kleinskaalse dwelmhandelaar wat probeer om sy werkgewer te beroof, wat in 'n rolprent omskep gaan word.[53] 50 Cent het gesê hy het Robert Greene se The 33 Strategies of War gelees en met dié skrywer gewerk aan 'n boek genaamg The 50th Law wat 'n stedelike kyk na The 48 Laws of Power is.[53][61] In Mei 2008 het 50 Cent met die Suid-Afrikaanse miljardêr, Patrice Motsepe saamgespan om 'n gesamentlike onderneming te smee wat platinum verkoop met 50 Cent se handelsmerk op.[62]

50 Cent het ook 'n realiteitstelevisiereeks op MTV begin getitel 50 Cent: The Money and the Power; die wenner, Ryan Mayberry, het 'n 100,000 dollar belegging van 50 Cent gewen.

Verwysings[wysig]

  1. 1,0 1,1 1,2 1,3 Inmate Population Information Search”. Department of Correctional Services. New York State. URL besoek op September 1, 2010.
  2. Thornburgh, Nathan (10 September 2007). 10 Questions for 50 Cent. Time. URL besoek op 13 September 2007.
  3. Campion, Chris (12 Augustus 2005). Right on the money. The Observer. URL besoek op 22 Mei 2007.
  4. 4,0 4,1 4,2 4,3 4,4 Touré (3 April 2003). The Life of a Hunted Man. Rolling Stone. URL besoek op 22 Mei 2007.
  5. 5,0 5,1 5,2 Samuels, Allison (21 Februarie 2007). The Flip Side of 50 Cent. MSNBC. URL besoek op 22 Mei 2007.
  6. Otto, Jeff (6 September 2005). Interview: 50 Cent. IGN. URL besoek op 22 Mei 2007.
  7. 7,0 7,1 7,2 Reid, Shaheem (7 November 2005). 50 Cent: Return to Southside. MTV. URL besoek op 22 Mei 2007.
  8. 8,0 8,1 8,2 8,3 8,4 8,5 Reid, Shaheem (12 Februarie 2003). 50 Cent: Money to Burn. MTV. URL besoek op 22 Mei 2007.
  9. Associated Press (December 23, 2005). Two Five says success has changed 50 Cent. MSNBC. URL besoek op 22 Mei 2007.
  10. Weiner, Jonah (Augustus 2007). 33 Things You Should Know About 50 Cent. Blender. URL besoek op 30 September 2007.
  11. 11,0 11,1 Reid, Shaheem (25 Februarie 2005). All Eyes on 50 Cent: The Sequel. MTV. URL besoek op 22 Mei 2007.
  12. The Phenomenon '50 Cent' Revealed. Female First (1 Februarie 2006). URL besoek op 21 Mei 2008.
  13. The Smoking Gun: 50 Cent. The Smoking Gun (27 Februarie 2003). URL besoek op 22 Mrei 2007.
  14. Dave (2 November 2003). 50 Cent Interview on Howard Stern Show. Rap News Network. URL besoek op 22 Mei 2007.
  15. 15,0 15,1 15,2 Interview w/ 50 Cent. AOL Music (1 Augustus 2003). URL besoek op 22 Mei 2007.
  16. Boots, Tone (3 Augustus 2005). Get Rich or Die Trying. Stuff. URL besoek op 22 Mei 2007.
  17. "La Méthode Cauet" (2006). TF1.
  18. 18,0 18,1 18,2 Youngs, Ian (23 Desember 2002). 50 Cent: The $1m rapper. BBC Nuus. URL besoek op 16 Augustus 2007.
  19. Tarek, Shams (16 Mei 2003). Jamaica’s ‘Own Bad Guy' 50 Cent Making Good in the Music Biz. Queens Press. URL besoek op 22 Mei 2007.
  20. 20,0 20,1 20,2 Biography. 50cent.com. URL besoek op 22 Mei 2007.
  21. Chery, Carl (18 Mei 2004). 50 Cent's a Fake, Says Ex-G-Unit Member, Bang Em Smurf. SOHH. URL besoek op 5 Junie 2007.
  22. Williams, Houston (Februarie 2004). Bang'em Smurf: Life after G-Unit. AllHipHop. URL besoek op 20 Julie 2007.
  23. 23,0 23,1 50 Cent. From Pieces to Weight Part 5. MTV. URL besoek op 22 Mei 2007.
  24. 24,0 24,1 24,2 Ninja (Desember 2002). 50 Cent Interview. Dubcnn. URL besoek op 22 Mei 2007.
  25. Tyrangirl, Josh (17 Februarie 2003). Rap's Newest Target. Time. URL besoek op 22 Mei 2007.
  26. Get Rich or Die Tryin': The Movie (2003) (bonus documentary DVD). Interscope Records.
  27. Chery, Carl (24 Oktober 2005). 50 Cent Shot by "Hommo" Reveals Tell-All Book. SOHH. URL besoek op 22 Mei 2007.
  28. Tyson In Hit Bid: Witness - New York Post
  29. Jenkins, Sacha (9 Julie 2007). I Was There. XXL. URL besoek op 31 Julie 2007.
  30. Mace, Francis (6 September 2005). Surveilling 50 Cent. The Smoking Gun. URL besoek op 22 Mei 2007.
  31. Weiner, Jonah (April 2005). Dear Superstar: 50 Cent. Blender. URL besoek op 22 Mei 2007.
  32. Birchmeier, Jason. Get Rich or Die Tryin' Review. Allmusic. URL besoek op 22 Mei 2007.
  33. Hoard, Christian (6 Maart 2003). Get Rich or Die Tryin' Review. Rolling Stone. URL besoek op 22 Mei 2007.
  34. 34,0 34,1 Gundersen, Edna (3 September 2005). 'Massacre' sales top one million. USA Today. URL besoek op 22 Mei 2007.
  35. Rosario, Boo (Maart 2003). "Record Report". The Source, p. 192.
  36. Timeline. Rock on the Net. URL besoek op 22 Mei 2007.
  37. Winston, Dallas (9 April 2003). G-Unit Records Signs with Interscope. AllHipHop. URL besoek op 20 Julie 2007.
  38. Whitmire, Margo (15 April 2005). 50's 'Massacre' Extends Chart Lead to 6th Week. Billboard. URL besoek op 13 Junie 2007.
  39. Montgomery, James (9 Maart 2005). 50 Cent's The Massacre Makes Huge Chart Debut. MTV. URL besoek op 22 Mei 2007.
  40. Brackett, Nathan (10 Maart 2005). The Massacre Review. Rolling Stone. URL besoek op 22 Mei 2007.
  41. Reid, Shaheem (2 September 2005). 50 and Mase: The Pastor Isn't Officially G-Unit Yet, But a Song Is Already out. MTV. URL besoek op 31 Mei 2007.
  42. Chery, Carl (27 Mei 2005). Pulse Report: M.O.P. Signs to G-Unit. SOHH. URL besoek op 22 Junie 2007.
  43. Black, Bea (8 Februarie 2006). Roc-A-Fella Rapper Freeway Collaborating with G-Unit for New Album. AllHipHop. URL besoek op 22 Julie 2007.
  44. Reid, Shaheem (27 April 2007). 50 Cent Talks Timberlake Collabo, Star-Studded New LP Curtis. MTV. URL besoek op 4 Oktober 2007.
  45. Mayfield, Geoff (18 September 2007). Kanye Crushes 50 Cent in Huge Album Sales Week. Billboard. URL besoek op 4 Oktober 2007.
  46. 50 Cent songs”. URL besoek op 2009-05-20.
  47. Reebok and 50 Cent Announce the Successful Launch of New "G-Unit Collection by RBK" Footwear. Reebok (13 November 2003). URL besoek op 22 Mei 2007.
  48. Leeds, Jeff (26 Desember 2004). $50 Million for 50 Cent. The New York Times. URL besoek op 9 Junie 2007.
  49. 50 Cent: Blood on the Sand dated for Europe
  50. Totilo, Stephen (26 Maart 2008). 50 Cent Video Game Exclusive: 'Blood On The Sand' Details, First Images Revealed. MTV. URL besoek op 27 Maart 2008
  51. Goldman, Lea (30 September 2007). Forbes and 50 Cent 'Get Money'. Forbes. URL besoek op 30 September 2007.
  52. kyte: The Official HNIC2 Channel: 01/10/2008. Kyte (10 Januarie 2008). URL besoek op 13 Januarie 2008.
  53. 53,0 53,1 53,2 Mirchandani, Raakhee (5 Januarie 2007). The Merchant of Menace. New York Post. URL besoek op 22 Mei 2007.
  54. Black Widow (4 Mei 2008). 50 Cent Inks Deal With Steiner Sports To Sell Memorabilia”. SixShot. URL besoek op 15 Julie 2008.
  55. Topel, Fred (12 Desember 2006). CraveOnline Talks to 50 Cent. Crave Online. URL besoek op 22 Mai 2007.
  56. Brevet, Brad (11 Desember 2006). Interview: 50 Cent on 'Home of the Brave'. Rope of Silicon. URL besoek op 22 Mei 2007.
  57. Rock Steady Eddy (22 Januarie 2008). The Economics Behind 50 Cent's New Film Production Company. Woohah. URL besoek op 18 Februarie 2008.
  58. For The Record: Quick News on Eminem, Ciara, Ludacris, Ne-Yo, Slayer, Marilyn Manson, Nas, Public Enemy & More. MTV (23 Maart 2007). URL besoek op 22 Mei 2007.
  59. Jokesta (21 Augustus 2007). 50 Cent launches dietary supplement company. Def Sounds. URL besoek op 21 Augustus 2007.
  60. Strong, Nolan (2 Januarie 2007). 50 Cent to Launch G-Unit Books, Meet Fans. AllHipHop. URL besoek op 20 Julie 2007.
  61. Richburg, Chris (6 Februarie 2007). '48 Laws' Author Robert Greene Working with 50 Cent on New Book, QD3 on New Film. AllHipHop. URL besoek op 20 Julie 2007.
  62. Zack O'Malley Greenberg (18.08.2008). “The 50 Cent Machine”. Forbes. URL besoek op September 1, 2010.

Eksterne skakels[wysig]

Commons-logo.svg
Wikimedia Commons het meer media verwant aan:
50 Cent (kategorie)


Hierdie artikel is in sy geheel of gedeeltelik vanuit die Engelse Wikipedia vertaal.