Alexander Cambridge, 1ste Graaf van Athlone
Alexander Augustus Frederick William Alfred George, die graaf van Athlone (Londen, 14 April 1874 - Kensington, Londen, 16 Januarie 1957) was 'n Britse militaris en goewerneur-generaal van die Unie van Suid-Afrika.
Hy ontvang sy onderwys aan die beroemde skool Eaton en die militêre kollege Sandhurst, waarna hy tot die Britse leër toetree. In 1896 neem hy deel aan die Matabele-oorlog in die teenswoordige Zimbabwe. Drie jaar later veg hy in die Anglo-Boereoorlog in Suid-Afrika en ontvang die D.S.O. Vanaf 1914 doen hy diens in die Eerste Wêreldoorlog en word in 1919 aide-de-camp van die Britse koning, wat hom in 1923 aanstel as goewerneur-generaal van die Unie van Suid-Afrika. Hy verlaat die Unie in 1931 en word die volgende jaar kanselier van die Universiteit van Londen. Van 1940 tot 1946 dien hy as goewerneur-generaal van Kanada en sterf in 1957.
Bronne [wysig]
- Albertyn, dr. C.F. (red.) 1962. Die Afrikaanse Kinderensiklopedie. Kaapstad, Bloemfontein, Johannesburg: Nasionale Boekhandel Bpk.
