4 Augustus

4 Augustus is die 216de dag van die jaar in die Gregoriaanse kalender (217de in skrikkeljare). Daar volg nog 149 dae in die jaar.

Gebeure

• 1496 - Die Spanjaarde onder leiding van Bartholomew Columbus, die broer van Christophorus Columbus, stig Santo Domingo, die oudste Europese nedersetting in die Amerikas en tans hoofstad van die Dominikaanse Republiek.
• 1578 - Marokkaanse magte verslaan Portugese troepe in die Slag van Alcazarquivir.
• 1609 - 'n Orkaan, wat oor Nieu-Engeland woed en waardeur 'n skip naby Bermuda vergaan, lewer die inspirasie vir William Shakespeare se toneelstuk The Tempest.
• 1690 - Pous Alexander VIII veroordeel die Galliese Vryhede.
• 1693 - Die tradisionele datum vir die uitvinding van sjampanje deur Dom Perignon.
• 1704 - Brits-Nederlandse troepe beset Gibraltar.
• 1730 - Pous Clemens XII stel sy neef Neri Maria Corsini, apostoliese protonotarius aan as kardinaal.
• 1782 - Wolfgang Amadeus Mozart trou met Constanze Weber.
• 1782 - Die Grosvenor strand sowat 50 km noord van Port St. Johns.
• 1821 - Francesco Saverio Castiglioni (later Pous Pius VIII) word groot-penitentiarius van die Kurie en biskop van Frascati.
• 1903 - Pous Pius X volg Pous Leo XIII op as 257ste pous van die Rooms Katolieke Kerk.
• 1912 - Die 53-jarige Noorweegse skrywer Knut Hamsun voltooi sy romantrilogie "Die swerwer".
• 1914 - Eerste Wêreldoorlog: Duitse troepe val België binne. Die Verenigde Koninkryk verklaar oorlog teen Duitsland en die VSA verklaar neutraliteit.
• 1916 - Die VSA koop die Maagde-eilande (in die oostelike deel van die Karibiese see) vir $25 miljoen van Denemarke.
• 1931 - Kurt Tucholsky se beroemde stelling "Soldate is moordenaars" verskyn in die tydskrif Die Weltbühne.
• 1944 - 'n Nederlandse informant lei die Gestapo na waar Anne Frank en haar familie gevind word.
• 1954 - Nooiensvlug van Brittanje se eerste supersoniese vegvliegtuig, P-1 English Electric Lightning.
• 1964 - FBI agente ontdek die liggame van drie vermiste burgerregtewerkers by 'n dam naby Philadelphia, Mississippi.
• 1964 - Die Amerikaanse Lugmag begin met die bombardering van Noord-Viëtnam.
• 1983 - Thomas Sankara word President van Bo-Volta.
• 1984 - Bo-Volta wysig sy naam na Burkina Faso.
• 1990 - Vir die eerste keer sedert die einde van die Tweede Wêreldoorlog land 'n Lufthansa-vliegtuig op die Oos-Berlynse Schönefeld-lughawe.
• 1991 - Die Griekse skip die Oceanos sink langs die kus van Suid-Afrika.
• 1996 – Josia Thugwane, is die eerste swart Suid-Afrikaanse atleet wat ‘n goue Olimpiese medalje verwerf - tydens die Atlanta Olimpiese Spele in die marathon.
• 2010 - Keniaanse kiesers stem in 'n referendum ten gunste van 'n nuwe grondwet wat onder meer die president se bevoegdhede beperk.

Geboortes

• 1521 – Giambattista Catagna (later Pous Urbanus VII).
• 1805 – William Rowan Hamilton, wiskundige, natuurkundige en filosoof, te Dublin, Verenigde Koninkryk (tans Ierland)
• 1859 – Knut Hamsun, Noorweegse romanskrywer, ontvanger van die Nobelprys vir Letterkunde in 1920 († 1952)
• 1900 – Elizabeth Bowes-Lyon, voormalige Britse koningin († 2002).
• 1901 – Louis Armstrong, Amerikaanse jazz-trompetspeler en -sanger.
• 1955 – Gerrie Coetzee, Suid-Afrikaanse bokser en wêreld swaargewig bokskampioen.
• 1961 – Barack Obama, 44ste President van die Verenigde State van Amerika

Sterftes

• 1060 – Koning Henry I van Frankryk (gebore 1008)
• 1875 – Hans Christian Andersen, Deense skrywer
• 1997 – Jeanne Calment op 122, sover bekend die oudste mens ooit