Barnsteenroete

in Wikipedia, die vrye ensiklopedie
Spring na: navigasie, soek
Die Barnsteenroete
Die Barnsteenroete as verbinding tussen die Oosseegebied en antieke Rome

Die term Barnsteenroete verwys na 'n aantal antieke handelsroetes waarlangs eeue lank barnsteen en ander goedere uit die Noord- en Oosseegebied suidwaarts na die Mediterreense lande vervoer is.

Die vrag is sowel oorland asook op belangrike waterweë soos die Wisła- en Dnjestr-riviere na bestemmings in antieke Italië, Griekeland, die Swartseegebied en Egipte vervoer. Die Egiptiese farao Toetanchamon is met barnsteen as grafgifte begrawe, terwyl dit in die antieke Griekse Apollo-tempel in Delphi as offergawe gegee is. Die Duitse argeoloog Heinrich Schliemann het tydens sy uitgrawings in Mikene barnsteen naas goudskatte ontdek. Verweerde barnsteen is ook in vorstelike grafte in die Akkadiese stad Qatna gevind. Vanuit die Swartseegebied is barnsteen langs die Syroete verder ooswaarts na Asië uitgevoer.

In die tyd van die Romeinse Ryk het 'n hoofroete van die Baltiese kus in Pruise suidwaarts deur die stamgebied van die Boii in die huidige Tsjeggiese Republiek en Slowakye na die Adriatiese Seekus (die huidige Golf van Venesië) geloop.

Eksterne skakels[wysig]