Blyderivier

in Wikipedia, die vrye ensiklopedie
Spring na: navigasie, soek
Blyderivier
Die Blyderivier vloei deur 'n kloof van sandsteen.
Die Blyderivier vloei deur 'n kloof van sandsteen.
Oorsprong Hartebeesvlakte
Sytak -links Treurrivier
Sytak -regs Ohrigstadrivier (vloei in dam in)
Monding Olifantsrivier
Stroomgebied Mpumalanga en Limpopo
Oorsprong-hoogte 2 000 m
Ligging van Blyderivier op 'n kaart (Suid-Afrika)
Blyderivier
Blyderivier
Koördinate: 24°15′17″S 30°49′47″O Koördinate: 24°15′17″S 30°49′47″O

Die Blyderivier (of Motlatse-rivier, wat beteken "permanente rivier", of Umdhlazi-rivier), is 'n rivier in die Mpumalanga en Limpopoprovinsies van Suid-Afrika. Dit vloei in 'n noordelike rigting deur steil valleie en klowe van die Drakensberg in Mpumalanga, voordat dit die Laeveld bereik in die Limpopoprovinsie. Dit het sy oorsprong op ongeveer 2000 m hoogte in die Hartebeesvlakte bewaringsgebied, ten noorde van die Long Tompas.

Die Blyderivier en die Ohrigstadrivier se water vloei altwee in die Blyderivierspoortdam in.

Oorsprong van die rivier se naam[wysig]

Kommandant Andries Hendrik Potgieter het in 1844 'n ekspedisie onderneem om die moontlikheid van 'n handelsroete na Delagoabaai (tans Maputo) te ondersoek. Die waens kon nie die steil klowe na die laeveld afgaan nie, en is agtergelaat. Potgieter is alleen met 'n groep ruiters verder. Hulle het so lank weggebly dat die mense by die waens gevrees het dat hulle omgekom het. Die riviertjie by die kamp is toe die Treurrivier genoem, en die terugtog is aangepak. Na 'n paar dae het Potgieter en sy ruiters die waens ingehaal. Daar was groot blydskap en die rivier langs die uitspanning het die naam Blyderivier gekry.

'n Sytak is die Treurrivier, wat by Bourke's Luck by die Blyde aansluit.

Sien ook[wysig]

Commons-logo.svg
Wikimedia Commons het meer media verwant aan:
Blyderivier (kategorie)
Hierdie artikel is in sy geheel of gedeeltelik vanuit die Engelse Wikipedia vertaal.