Mpumalanga
- Hierdie artikel handel oor 'n provinsie in Suid-Afrika. Vir die dorp in KwaZulu-Natal, sien gerus Mpumalanga, KwaZulu-Natal.
 Vlag |
 Wapen |
 |
|
| Oppervlak | 76 495 vk km[1] |
| Bevolking (2011) | 3 657 181[2] |
| Bevolkingsdigtheid | 47,6 / vk km |
| Tale | Swazi (29,4%) Zoeloe (24,1%) Tsonga (11,6%) Suid-Ndebele (10,3%) Noord-Sotho (10,2%)[3] |
| Etniese verdeling | Swart (92,0%) Blank (6,8%) Kleurling (0,8%) Asiër (0,4%)[4] |
| Hoofstad | Nelspruit (Mbombela) |
| Premier |
David Mabuza (ANC) |
Mpumalanga is 'n provinsie in Suid-Afrika. Die hoofstad is Mbombela, voorheen Nelspruit genoem. Mpumalanga, wat "die plek waar die son opkom" beteken, was vroeër bekend as Oos-Transvaal. Behalwe dat dié provinsie uit 'n deel van die ou provinsie Transvaal gekerf is, is dit ook saamgestel uit dele van vier gewese Bantoestans (tuislande): KaNgwane, KwaNdebele, Gazankulu en Lebowa.
Inhoud |
[wysig] Belangrikste nedersettings
- Barberton
- Bosbokrand
- Ermelo
- Graskop
- Komatipoort
- Lydenburg
- Middelburg
- Nelspruit, nou genoem Mbombela
- Piet Retief
- Sabie
- Secunda
- Skukuza
- Standerton
- Witbank
[wysig] Demografie
- Bevolking (2001-sensus): 3 122 990.
- Tale: Swazi (29,4%), gevolg deur Zoeloe (24,1%), Tsonga (11,6%), Suid-Ndebele (10,3%), Noord-Sotho (10,2%) en Afrikaans (6%).
[wysig] Geografie
- Oppervlakte: Sowat 78 370 km2.
[wysig] Ligging en topografie
Aan Mpumalanga se oostekant lê Mosambiek en Swaziland, terwyl die provinsie Gauteng aan die westekant lê. Na die suide is die provinsies Vrystaat en KwaZulu-Natal. Die westelike deel van Mpumalanga lê op die Hoëveld, 'n plato wat oor 'n groot deel van die Suid-Afrikaanse binneland strek. Die Drakensbergreeks verrys in die noordooste van die provinsie. In die ooste daal die land plotseling na die sogenaamde Laeveld met sy subtropiese plantegroei.
[wysig] Ekonomie
Hout, steenkool, vervaardiging, landbou en toerisme is alles deel van Mpumalanga se geskakeerde ekonomie. Die provinsie sorg vir sowat 85% van Suid-Afrika se steenkool, terwyl Witbank die grootste steenkoolprodusent in Afrika is. Die grootste kragsentrales word hier aangetref. Papier en vlekvrye staal word ook vervaardig. Daar is 'n groot papiermeule by Ngodwana, terwyl Middelburg staal en vanadium produseer. Onder die vernaamste landbouprodukte is mielies, suikerriet en sitrusvrugte, en skaap- en suiwelboerdery word ook beoefen. Benewens steenkool word minerale soos mangaan, goud en yster ontgin. Die provinsie is 'n baie gewilde toeristebestemming: die Krugerwildtuin alleen lok 'n menigte besoekers, ook vanuit die buiteland.
[wysig] Verwysings
- ^ (2010) Stats in Brief, 2010. Pretoria: Statistics South Africa. ISBN 978-0-621-39563-1.
- ^ "Mid-year population estimates, 2011". Statistics South Africa: 2011. URL besoek op 12 Februarie 2012.
- ^ "Table: Census 2001 by province, language, population group and gender.". Census 2001 Interactive Tables. Statistics South Africa. URL besoek op 12 Februarie 2012.
- ^ "Statistical release P0301: Community Survey, 2007 (Revised version)". (PDF) Statistics South Africa. URL besoek op 12 Februarie 2012.
| Provinsies van Suid-Afrika |  |
|---|---|
| Gauteng | KwaZulu-Natal | Limpopo | Mpumalanga | Noord-Kaap | Noordwes | Oos-Kaap | Vrystaat | Wes-Kaap | |
|
|||||||||||||||
.svg)
