Bolsjoi dom
| Bolsjoi dom | ||
| ||
| 'n Uitsig op Bolsjoi dom vanaf Liteini-laan. | ||
| Ligging | ||
| Stad/dorp | Sint Petersburg | |
| Land |  Rusland
| |
| Geskiedenis | ||
| Geopen | 1932 | |
| Inligting | ||
| Status | Werkend | |
Bolsjoi dom (Russies: Большой дом, letterlik "die Groot Huis") is 'n kantoorblok in Liteini-laan, Sint Petersburg, Rusland. Dit is die hoofkwartier van die plaaslike takke van Sint Petersburg en Leningrad-oblast van die FSB en die hoofgebou van die Russiese departement van binnelandse sake.[1]
Die gebou is geleë in die sentrale distrik van die stad, 'n blok vanaf die Newariveir, op die terrein van die Ou Wapenmagasyn wat in 1917 afgebrand het. Die Bolsjoi dom-gebou is deel van 'n groter kompleks wat die gevangenis aan Sjpalernajastraat insluit. Albei geboue het berugtheid verwerf as 'n tronk tydens die Groot Suiwering onder Josef Stalin. In Julie 1934 het die gebou die plaaslike hoofkwartier van die nuut gestigte NKWD geword. Bolsjoi dom het daarna die plaaslike hoofkwartier van die bekender KGB geword toe dit die NKWD vervang het. Dit is tot met die verbrokkeling van die Sowjetunie in 1991 deur die KGB gebruik.
Bolsjoi dom het die onderwerp van verskeie stedelike legendes in die Sowjetse en Russiese kultuur geword vanweë sy verbintenis met die geheime polisie, soos dat dit baie ondergrondse verdiepings het – dit het gelei tot grappies dat dit die hoogste gebou in Sint Petersburg is.
Verwysings[wysig | wysig bron]
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
