Carl George Klibbe
Carl George Klibbe was die stigter en Apostel van die Nuwe Apostoliese Kerk in Suid Afrika en later die Ou Apostoliese Kerk.[1]
Klibbe word op 24 Desember 1852 in Ossecken, Pomerania gebore. Hy tree in die huwelik met Christina Henriette Krause en uit die huwelik word word vier seuns (Friedrich, Herman George, Charles en John) en twee dogters (Amalie Hermine en Anne Wilhermine) gebore.
Hy word 'n Lutherse geestelike, waarna hy vanaf Duitsland na Skotland en toe na Australie verhuis. In Australie kom hy in kontak met Apostel H.F. Niemeyer van die Apostoliese Kerk. Hy sluit by Niemeyer se kerk aan. In 1889 word hy deur Niemeyer na Suid Afrika gestuur as Evangelis. [2]
Klibbe se eerste poging om 'n gemeente te stig in Belville en Worchester was onsuksesvol. Hy stig wel die eerste Apostoliese gemeente in Southernwood, Oos-Londen.
Op 8 Julie 1893 word Klibbe deur Niemeyer verordeneer as Apostel vir die Apostoliese Kerk vir Afrika.
Klibbe neem die eerste verseëlingsdiens waar in Suid Afrika in Woodstock.
Na 1908 begin Klibbe homself meer en meer ontrek van die kerk se leierskap in Duitsland wat die naam van die Nuwe Apostoliese Kerk dra. In 1913 word Wilhelm Schlaphoff in sy plek as Apostel aangestel en hy van sy pligte onthef deur die Hoof Apostel van die Nuwe Apostoliese Kerk. [3]
In 1915 verklaar die Suid Afrikaanse tak van die Nuwe Apostoliese Kerk onder Klibbe onafhankliheid van die Duitse Kerk. Die redes vir die onafhankliheid verklaring is die persoonlikheidskultus wat ontstaan het rondom Hermann Niehaus en die Hoof Apostel amp. Klibbe was ook ontevrede omdat die Profete amp in Duitsland afgestel is.
Vanaf 1915 is daar in Suid Afrika twee groepe met die naam Nuwe Apostoliese Kerk en dit lui tot 'n Hofgeding wat later buite die hof geskik is.
As deel van die ooreenkoms het Klibbe besluit dat sy groep die naam Ou Apostoliese Kerk van Afrika sal gebruik en Schlaphoff se Groep sal die Nuwe Apostoliese Kerk wees.
Klibbe sterf op 21 Mei 1931 en word vanuit die Regents Park gemeente van die Ou Apostoliese Kerk begrawe. Hy word opgevolg deur C.F.W. Ninow, W. Campbell en E.F.W. Ninow.
