Derby della Madonnina

in Wikipedia, die vrye ensiklopedie
Spring na: navigasie, soek
Adriano teken 'n doel aan vir Inter teen Milan.

Die Derby della Madonnina is 'n sokkerwedstryd tussen die twee grootste spanne in die Italiaanse stad Milaan: AC Milan en Internazionale. Hierdie derby is so genoem na die beskermheilige van die stad.

Die mededinging[wysig]

AC Milan en Internazionale speel beide hulle tuiswedstryde in die San Siro (met 'n kapasiteit van 80 000 plekke, die grootste stadion in Italië). Dit het so gegroei omdat Internazionale in 1908 afgestig het van AC Milan. Heelwat spelers van AC Milan was ontsteld omdat slegs Britse spelers by die span kon aansluit, terwyl hulle wou hê dat Italianers en ander uitlanders ook sou kon aansluit (vandaar die naam Internazionale).

Vir die ondersteuners is die Derby della Madonnina 'n belangrike wedstryd, maar die atmosfeer rondom die wedstryde bly gewoonlik aangenaam.

Die wedstryd[wysig]

Beide klubs behaal vinnig nasionale en internasionale sukses, wat die wedstryd benewens die aansien daarvan, ook belangrik maak vir kampioenskappe. Sowel Inter as Milan het 18 keer die nasionale titel ingepalm. Milan het egter al sewe keer die Champions League gewen, terwyl Inter net drie keer die beste span van Europa was. Na 211 derbies (op 22 December 2013) het Inter 76 wedstryde gewen en Milan 73.

Nederland - Duitsland[wysig]

In die negentigerjare van die vorige eeu het die Derby della Madonnina 'n ekstra internasionale aspek. AC Milan het met Marco van Basten, Ruud Gullit en Frank Rijkaard drie Nederlandse topspelers, terwyl Internazionale met Jürgen Klinsmann, Andreas Brehme en Lothar Matthaüs oor drie Duitse topspelers beskik. In internasionale sokker is die lande-derby Nederland - Duitsland heel moontlik die strafste in die wêreld. Die mededinging tussen beide lande het die mededinging in die Derby della Madonnina verhoog. Toe die FIFA Wêreldbeker 1990 in Italië plaasgevind het, is die wedstryd tussen Nederland en Duitsland uitgerekend in die San Siro gespeel. Duitsland het die wedstryd met 2-1 gewen, wat in besonder deur die Inter ondersteuners gevier is.