Distopie

vanuit Wikipedia, die vrye ensiklopedie.

Distopie is 'n (denkbeeldige) samelewing met uiters negatiewe eienskappe waarin die mens beslis nie sou wou lewe nie. 'n Distopie is dus die teenoogestelde van 'n utopie, wat juis 'n besonder positiewe samelewing voorspel.

Distopië is 'n gewilde onderwerp in werke van fiksie. Die outeur bied gewoonlik daarmee 'n beeld van die toekoms soos deur hom/haar voorgestel en/of om die mensdom te probeer waarsku teen die moontlike gevolge van sekere optredes en beleidrigtings. Enkele populêre distopiese onderwerpe sluit in:

• 'n samelewing waarin geen vryheid meer bestaan nie en wat bestuur word deur 'n totalitêre regering;

• 'n samelewing wat gekontroleer word deur robotte of rekenaars;

• totale oorheersing en skending van die persoonlike privaatheid deur owerhede en instellings;

• 'n samelewing waarin alles en elkeen dieselfde is en waar uitinge van kultuur en emosies verbode is;

• 'n samelewing waar mense slegs dien as voedsel of as orgaanskenkers; en

• 'n wêreld waar die mensdom feitelik uitgesterf het na 'n kernoorlog, siekte of ander ramp.

[wysig] Bekende distopiese boeke

• 1984 van George Orwell

• Anthem van Ayn Rand

• Brave New World van Aldous Huxley

• Fahrenheit 451 van Ray Bradbury

• On the Beach van Nevil Shute

• We van Yevgeny Zamyatin