Erwin Rommel

in Wikipedia, die vrye ensiklopedie
Spring na: navigasie, soek
Erwin Rommel
’n Beeld van die betrokke persoonlikheid.
Generalfeldmarschall Erwin Rommel, ongeveer 1942/43

Geboortenaam Erwin Johannes Eugen Rommel
Gebore 15 November 1891
Heidenheim, Duitse Keiserryk
Oorlede 14 Oktober 1944
Blaustein, Nazi-Duitsland
Nasionaliteit Duits
Titel Generalfeldmarschall
Beroep Soldaat

Erwin Johannes Eugen Rommel (15 November 189114 Oktober 1944), algemeen bekend as die Woestynvos (Wüstenfuchs), was 'n Duitse Veldmaarskalk van die Tweede Wêreldoorlog. Hy is deur beide sy eie troepe en die vyande teen wie hy geveg het gerespekteer.

Hy was 'n hoogs gedekoreerde offisier in die Eerste Wêreldoorlog, en is bekroon met die Pour le Merite vir sy prestasies op die Italiaanse-veldtog. In die Tweede Wêreldoorlog, het hy verder homself onderskei as die bevelvoerder van die 7de Panzer Afdeling (Wehrmacht) tydens die inval van Frankryk in 1940. Dit was egter sy leierskap van die Duitse en Italiaanse magte in die Noord-Afrika-veldtog wat die legende van die Desert Fox gestig het. Hy is beskou as een van die mees bekwame bevelvoerders van woestyn-oorlogvoering in die konflik. Hy het later bevelvoerder geword van die Duitse magte wat die Geallieerde magte se inval van Normandië sou teenstaan.

Erwin Rommel

As een van die paar generaals wat konsekwent teen die Westerse Geallieerdes geveg het (hy is nooit na die Oos-Front gepos nie), word Rommel beskou as 'n menslike en professionele soldaat. Sy Afrika Korps is nooit van enige oorlogsmisdade beskuldig nie. Soldate gevang tydens sy Afrika-veldtog is, na berig, menslik behandel. Verder het hy die Commando Order om Joodse soldate en burgerlikes in alle teaters van sy bevel gevang dood te maak bloot geïgnoreer.

Laat in die oorlog, is Rommel gekoppel aan die 20 Julie sameswering om Adolf Hitler te vermoor. Omdat Rommel wyd bekend was, het Hitler verkies om hom stil te elimineer. Rommel het ingestem om selfmoord te pleeg deur die neem van 'n sianiedpil, in ruil vir die versekering dat sy familie gespaar sou word.