Tenk

in Wikipedia, die vrye ensiklopedie
Spring na: navigasie, soek
Suid-Afrikaanse Olifant.
Duitse Leopard 2A5.

'n Tenk is 'n gepanserde militêre voertuig. In Duits word dit Panzer genoem en in engels Tank. Die eerste sketse of planne van 'n tenk is deur Leonardo da Vinci geteken, en het soos 'n skilpad se dop gelyk.

Geskiedenis[wysig]

Met die aanvang van die Eerste Wêreldoorlog het die tenk nog nie bestaan nie. Gedurende dié oorlog het die Britse regering uiteindelik 'n plan goedgekeur om tenks te ontwikkel. Winston Churchill was betrokke by die projek. Die eerste tenk het sy verskyning gemaak op 15 September 1916 toe 49 tenks deelgeneem het aan die Slag van die Somme. Die potensiaal van die tenk was nie werklik besef en gebruik tydens die Eerste Wêreldoorlog nie.

Tussen die twee Wêreldoorloë is die tenk verder ontwikkel. Daar was op die stadium twee sienings oor die gebruik van die tenk: die een siening is dat die tenk slegs in 'n ondersteunings rol gebruik word. Tenks moet die infanteriste ondersteun om doelwitte te behaal; soos tydens die Eerste Wêreldoorlog. Die tweede siening was dat massas tenks gebruik moet word om deur vyandelike linies te breek. Die Duitsers het hierdie strategie goed gebruik tydens hulle inval in Frankryk tydens die Tweede Wêreldoorlog. Dit het aanleiding gegee tot die term Blitzkrieg.

Die oorlog in Noord-Afrika is beslis deur tenks tydens die Tweede Wêreldoorlog deur die gebruik van die tenk se beweegbaarheid tesame met skok taktiek en die verrassings element. Die Duitse Veldmaarskalk, Erwin Rommel het homself onderskei as 'n meester van die gebruik vn tenks tydens die Noord-Afrika oorlog. Die Koreaanse oorlog het bewys dat tenks net met tenks beveg kan word.

Luiperd[wysig]

Die Leopard I en Leopard II tenks is nog in gebruik in die Duitse weermag. Dit is spesiaal ontwikkel, dat dit met 'n groot verskeidenheid aan brandstof gebruik kan word. Enige mengsel vanaf diesel tot sonblomolie of gebruikte olie vanaf die vis-en-skyfies winkel om die hoek, of enige mengsel daarvan sal kan doen. Die silinders en suiers van die tenk is so groot soos kookpotte.

Bron[wysig]

  • Collier's Encyclopedia. Volume 22. Bladsy 54. 1971