Foto na Dans
| Foto na Dans | ||
|---|---|---|
| Alias | FND | |
| Oorsprong | Bellville, Suid-Afrika | |
| Genre(s) | Emo, poppunk, alternatiewe rock, progresiewe rock | |
| Instrument(e) | Kitaar, baskitaar, klavier, trompet | |
| Aktiewe jare | 2005 - hede | |
| Invloede | Muse, Bloc Party, Springbok Nude Girls, Incubus | |
| Webwerf | fotonadans.co.za | |
| Lede | Le-Roi Nel (sang, kitaar) Neil Basson (kitaar, sang) John Haveman (baskitaar) Alex Fourie (trompet, klawier) Dirkie Uys (tromme) |
|
 Musiekportaal |
||
Foto na Dans of FND is 'n Afrikaanstalige Suid-Afrikaanse musiekgroep wat gevorm is nadat vyf ouens dit gestig het slegs omdat hulle gevoel het hulle 'n behoefte het om musiek te maak.[1] Dit het die groep omtrent sewe jaar geneem om lede vir die groep te vind wat na hul sin die regte kombinasie sou wees. Ál die lede behalwe Nel was voorheen lid van Trompie is Dood wat die nasionale hoërskool rockkompetisie Rockspaaider gewen het in 2005. Van die lede van Trompie is Dood het die groep verlaat wat veroorsaak het dat die groep 'n sanger gekort het. Nel kon hierdie gaping vul.
Die groep word deur groepe soos Muse, Bloc Party, Springbok Nude Girls en Incubus geïnspireer, maar erken dat hul musiek selde ten volle met enige musiekstyl vergelyk kan word.
Foto na Dans is 'n projek wat streef daarna om die genot wat hulle uit musikale sintese put met almal wat belang stel te deel. Hulle noem hulself "'n Kulturele, musikale/multi-media reis wat oop is vir jou" en meld dat hulle 'n konsekwente visie het wat lui: "'n magdom klanke/visuele as simbool van ons gevoelens/idees/gedagtes".
Die groep se debuutvideo, Huiwerig, het binne 'n paar weke die A-lys op MK89 gehaal. Nadat hul kortspeler in Januarie uitgereik is, het Foto na Dans se optredes begin opslae maak. Die video van Soldaatvolk was drie weke agtereenvolgens nommer een op MK89 se Top-tien. Foto Na Dans het tans 'n nuwe EP wat vrygestel is, Pantomime op Herwinbare Klanke. Dit is vrygestel op 13 Augustus 2008.
Inhoud |
[wysig] Diskografie
[wysig] Ateljeealbums
- Intervensie (2007)
- Pantomime op Herwinbare Klanke (2008)
- Die Vloed (2010)
[wysig] Intervensie (2007)
Foto na Dans het op 25 Junie begin om hul eerste vollengte ateljee-album, Intervensie, in B-Sharp Studios in Boksburg op te neem. Hulle was teen 22 Julie daarmee klaar. Die album bevat twaalf snitte en sal in September op die rakke wees. Vanaf 24 Junie het daar daagliks insetsels oor die verloop van die opname op www.fotonadans.co.za verskyn. Dit bevat dagboekinskrywings, foto's en 'n kykie agter die skerms. Foto na Dans sal teen die einde van September 2007 met die album begin toer. Aangesien die lede op universiteit studeer, sal dit beteken dat hulle verskeie van hul toetse sal misloop.
[wysig] EP's
- Foto Na Dans EP (2007)
[wysig] Enkelsnitte
| Titel | Album | Uitgewer |
|---|---|---|
| "Huiwerig" | Foto Na Dans EP, 2007 | Rhythm Records |
| "Soldaatvolk" | Foto Na Dans EP, 2007 | Rhythm Records |
| "Vergeet Van My" | Intervensie, 2007 | Rhythm Records |
| "Hou Jou Hande by Mekaar" | Intervensie, 2007 | Rhythm Records |
| "Natuurlik Verlig" | Pantomime Op Herwinbare Klanke, 2008 | Rhythm Records |
| "Die Wals" | Intervensie, 2009 | Rhythm Records |
[wysig] Eksterne skakels
- Foto na Dans se MySpace-bladsy
- Videosnit van 'n onderhoud en 'n regstreekse optrede - by News24.com. (en)
