 |
|
| Taal | Veeltalig |
| Status | Aktief |
| URL | |
Facebook is 'n veeltalige sosiale netwerkwebwerf wat op 4 Februarie 2004 van stapel gestuur is. Gedurende die daaropvolgende jaar is verskeie indiwiduele universiteite ook toegang tot die netwerk gebied. Langsamerhand was dit vir enige persoon wat 'n Amerikaanse kollege of universiteit .edu e-posadres gehad het, moontlik om by die netwerk aan te sluit. Daar was ook 'n aparte netwerk wat spesifiek vir Amerikaanse hoërskole geskep is. Sedert 11 September 2006 kan enigiemand met 'n geldige e-posadres by Facebook aansluit[1], solank die persoon aan die ouderdomsvoorskrifte van die webwerf voldoen. Gebruikers van die diens kan kies om by een of meer subnetwerke aan te sluit, soos 'n hoërskool, werk, of geografiese gebied. Die webwerf is in meer as twintig tale beskikbaar, waaronder ook Afrikaans.
Aan die heel begin was lidmaatskap tot die diens slegs aan studente aan die Harvard Universiteit beskikbaar. Binne die eerste twee maande nadat die projek begin is, is die lidmaatskap tot ander universiteite, soos die Boston College, Boston Universiteit en die MIT, in die Boston-area, uitgebrei. Alle Ivy League-universiteite het terselfdertyd ook toegang tot lidmaatskap verkry.
Sedert April 2009 is Facebook die webwerf met die meeste geregistreerde gebruikers onder werwe wat op kolleges gemik is, met meer as 200 miljoen gebruikers wêreldwyd.[2]
[wysig] Verwysings
- ^ "Facebook: The Newest Fad in Marketing". (HTML) Thinkubator: Facebook, the latest fad in marketing. URL besoek op 2007-07-25.
- ^ "Facebook Statistics". (HTML) URL besoek op 2009-01-09.
