Garri Kasparof

in Wikipedia, die vrye ensiklopedie
Spring na: navigasie, soek
Garri Kasparof
’n Beeld van die betrokke persoonlikheid.
Garri Kasparof in 2007

Geboortenaam Garik Weinstein
Gebore 13 April 1963
Bakoe, Azerbeidjanse SSR, Sowjetunie (tans Azerbaidjan)
Nasionaliteit Vlag van Sowjetunie Sowjetunie
Vlag van Rusland Rusland
Titel Skaak-grootmeester (1980)
Beroep skaakspeler, skrywer, politikus
Bekend vir FIDE-wêreldkampioen (1985-1993)

Garri Kimowitsj Kasparof (Russies: Га́рри Ки́мович Каспа́ров, wetenskaplike transliterasie: Garri Kimovič Kasparov; gebore 13 April 1963 as Garik Weinstein in Bakoe, Azerbaidjan) is 'n skaak-grootmeester en voormalige amptelike wêreldkampioen van die wêreldskaakfederasie FIDE (1985-1993), skrywer en stigter van die Russiese buiteparlementêre opposisiebeweging Solidarnost.

Kasparof word deur die meeste skaakspelers steeds beskou as die heersende wêreldkampioen. Hy is die sterkste (hoogste gegradeerde op die FIDE-lys van April 2004 met 'n ELO van 2817) skaakspeler ooit in die geskiedenis van die spel. Op 10 Maart 2005 het Kasparof bekend gemaak dat hy sy professionele skaakloopbaan sou beëindig.

Kasparof was sedertdien as 'n aktivis in die Russiese opposisiebeweging aktief en het saam met ander Kremlin-teenstanders die opposisiegroep "Die ander Rusland" in die lewe geroep wat egter toelating tot die parlementêre en presidentsverkiesings in 2007 en 2008 geweier is omdat dit nie amptelik as party erken is nie.

Kasparof het op 13 Desember 2008 saam met Boris Nemtsof 'n nuwe opposisiebeweging gestig.

Eksterne skakels[wysig]