Geert Wilders
Geert Wilders (gebore 6 September 1963 in Venlo) is 'n Nederlandse politikus wat aan die Party vir die Vryheid (PVV) behoort, 'n Nederlandse populistiese politieke party wat in 2006 gestig is en waarvan hy sedertdien die partyleier is. Sedert 1998 is hy 'n lid van die Tweede Kamer van die State-Generaal, tot 2004 vir die regs-liberale Volksparty vir Vryheid en Demokrasie (VVD) en tot 2006 vir die Groep Wilders, die voorloper van die PVV.
Wilders is gekant teen die immigrasie van (veral Moslemse) buitelanders, 'n felle teenstander van die Islamitiese godsdiens asook 'n groot voorstander van die vryheid van meningsuiting, asook vir swaarder strawwe. Ook staan hy bekend as pro-Israel en as 'n teenstander van 'n Palestynse staat.
Rutte-kabinet [wysig]
Wilders en sy party steun in die parlement sedert 14 Oktober 2010 die Rutte-kabinet. Hierdie minderheidskabinet, bestaande uit die Volksparty vir Vryheid en Demokrasie (VVD) en die Christen-Demokratiese Appèl (CDA), wil tot 2014 agtien miljard Euro bespaar op die begroting, immigrasie beperk en veiligheid verbeter.
Eksterne skakels [wysig]
- (nl) G. (Geert) Wilders, Parlement & Politiek
