Gladys Hugo

in Wikipedia, die vrye ensiklopedie
Spring na: navigasie, soek
Gladys Hugo
Geboortenaam Gladys Elizabeth Liesching
Geboorte 8 Januarie 1895
Victoria-Wes
Beroep(e) Sangeres
Genre(s) Opera
Tipe stem Sopraan
Instrument(e) Stem
Portal.svg Musiekportaal

Gladys Hugo (gebore 8 Januarie 1895 te Victoria-Wes - oorlede ?) is bekend as 'n hoogstaande Suid-Afrikaanse sopraan.[1]

Sy het 'n fyngeskoolde en kunstig-beheersde stem, haar suiwer bel canto en verfynde en deurleefde vertolkings is, vir die wat haar gehoor het, iets wat nooit vergeet kan word nie. Soos met ander beroemde sangers wat voor 1900 gebore was, is haar stem 'n goeie voorbeeld van die bel 'canto-skool'. Dit is egaal in sy volle omvang en volg die goue middeweg tussen die 'bedekte' en die 'wit' stem en herinner aan Elisabeth Rethberg en Claudia Muzio. Sy was dus in staat om koloratuur, liries- en jeudig-dramatiese rolle te sing en was 'n ideale Violetta in 'La Traviata' en Desdemona in 'Otello' asook die titelrol in Refice se 'Cecelia'.

Biografie[wysig]

Gladys Elizabeth Liesching is op 8 Januarie 1895 in Victoria-Wes gebore en as jong dogter was sy voorsanger in die skoolkoor en wenner van verskeie sangpryse. Haar eerste sanglesse was by Gladys van Niekerk in Worcester, daarna by Eveline Fincken aan die Suid-Afrikaanse Kollege van Musiek in Kaapstad waar Signor Guiseppe Paganelli haar Italiaans perfek het en haar talente ten volle ontplooi het.

Tydens 'n besoek aan Rome in 1934 het sy 'n aantal opera arias aan Astolfo Pescia, die wêreld beroemde sangleermeester, en 'n Impressario voorgedra. Hulle wou haar dadelik opera kontrakte aanbied, maar haar man Dr. CJ Hugo was nie daartoe bereid nie. In 1939 moes sy ook aanbiedings uit Dresden afwys. Ook Tito Schipa en die ewe beroemde Julius Patzak het die grootste lof oor haar kuns uitgespreek.

Gladys het dit as haar ideaal gestel om met haar kuns, haar volk te dien. Sy het gereeld oor die radio opgetree en ook in die Wes-Kaap met die onvergeetlike 'Miss Joan van Niekerk' as begeleidster en Dr. Con de Villiers' wat vooraf verduidelik het waaroor die werke gaan en selfs die woorde in Afrikaans vertaal het. Sy het oor 'n ongelooflike repertoire van sowat 'n duisend opera arias, kunsliedere, gewyde musiek en volkswysies in meer as tien tale (waaronder Russies, Tsjeggies, Noorweegs en Frans) beskik.

Verwysings[wysig]

  • Frits Stegman: Filma November 1945
  1. South African music encyclopedia, Volume 4, Jacques P. Malan, Oxford Univ. Pr., 1986, ISBN 0195702859, 9780195702859.

Eksterne skakels[wysig]