Gougheiland
| Gougheiland | |
|---|---|
 'n Uitsig oor die Gougheiland. |
|
| Geografie | |
| Ligging | Suidelike Atlantiese Oseaan |
| Koördinate | |
| Argipel | Tristan da Cunha |
| Oppervlak | 65 vk km |
| Hoogste punt | Edinburgh Peak 910 m |
| Administrasie | |
 Verenigde Koninkryk |
|
| Oorsese gebied | Sint Helena, Ascension en Tristan da Cunha |
| Demografie | |
| Bevolking | 6 (Wetenskaplikes) |
Gougheiland (ook bekend as Gonçalo Alvares) is 'n vulkaniese eiland wat uit die Suid-Atlantiese Oseaan rys tot 'n hoogte van 900 meter (2950 voet) bo seespieël en 'n benaderde oppervlakte van 65 km² (25 myl²). Dit sluit klein satellieteilande en rotse soos Suidweseiland, Saaleiland (Suid), Tristianarots, Isoldarots (Wes), Ronde-eiland, Kegeleiland, Lot se Vrou, Kerkrots (Noord), Pikkewyneiland (Noordoos), en Die Admirale (Oos) in. Dit is 'n afgeleë en eensame plek, omtrent 350 km (220 myl) suidoos van ander eilande in die Tristan da Cunha-groep, 2700 km (1700 myl) van Kaapstad, en meer as 3200 km (2000 myl) van die naaste punt van Suid-Amerika. Dit is 'n besitting van die Verenigde Koninkryk en die enigste inwoners is die bemanning van 'n weerstasie wat Suid-Afrika konstant sedert 1956 instand hou.
Die eiland is vernoem na Charles Gough, wat dit na bewering in 1731 (her)ontdek het.
Gough en Inaccessible-eiland is 'n beskermde wildreservaat, wat deur UNESCO as 'n Wêrelderfenisplek benoem is. Dit is al as een van die mins versteurde ekostelsels van sy soort beskryf en as een van die beste skuilings vir seevoëls tydens broeityd in die Atlantiese Oseaan. In besonder huisves dit byna die hele wêreldbevolking van die Tristan Albatros (Diomedea dabbenena) en die Atlantiese Stormvoël (Pterodroma incerta'). RSPB omgewingsbewaarders het onlangs aggressiewe groepe van ongewoon groot en gewelddadige mensingevoerde huismuise (Mus musculus) aangemeld wat probleme inhou vir die Albatros-broeiplekke en groot groepe jong voëls aanval. Die muise is veronderstel om in die komende jare uitgewis te word. Indringerspesies is verantwoordelik vir die grootste verlies van biodiversiteit op eilande; en is die tweede grootste oorsaak van uitsterwings na habitatverlies.
Gougheiland is by geleë. Topografiese kenmerke sluit die High Peak, Mount Argus, Hags Tooth, Mount Rowett, die Sea Elephantbaai, Questbaai, en die Hawkinsbaai in.
Verwysings [wysig]
- Cuthbert, J. & Sommer, E. Population size and trends of four globally threatened seabirds at Gough Island, South Atlantic Ocean. Marine Ornithology 32: 97–103.
