Hillary Clinton

in Wikipedia, die vrye ensiklopedie
Spring na: navigasie, soek
Hillary Clinton
Hillary Clinton

67ste Minister van Buitelandse Sake
Ampstermyn
21 Januarie 2009 – 1 Februarie 2013
Vise James Steinberg
William Joseph Burns
President Barack Obama
Voorafgegaan deur Condoleezza Rice
Opgevolg deur John Kerry

Senator vir die deelstaat New York
Ampstermyn
3 Januarie 2001 – 21 Januarie 2009
Voorafgegaan deur Daniel Patrick Moynihan
Opgevolg deur Kirsten Gillibrand

Eerste Dame van die Verenigde State
Ampstermyn
20 Januarie 1993 – 20 Januarie 2001
President Bill Clinton
Voorafgegaan deur Barbara Bush
Opgevolg deur Laura Bush

Eerste Dame van Arkansas
Ampstermyn
11 Januarie 1983 – 12 Desember 1992
Voorafgegaan deur Gay Daniels White
Opgevolg deur Betty Tucker
Ampstermyn
9 Januarie 1979 – 19 Januarie 1981
Voorafgegaan deur Barbara Pryor
Opgevolg deur Gay Daniels White

Persoonlike besonderhede
Geboorte 26 Oktober 1947 (1947-10-26) (67 jaar oud)
Chicago, Illinois
Politieke party Demokraat (sedert 1968)
Republikein (tot 1968)
Eggenoot/eggenote Bill Clinton
Kind(ers) Chelsea Clinton
Alma Mater Wellesley College
Yale University
Religie Methodisme
Handtekening Hillary Rodham Clinton Signature.svg

Hillary Diane Rodham Clinton (* 26 Oktober 1947 in Chicago, Illinois, as Hillary Diane Rodham) was in die tydperk tussen 2001 en 2009 die Junior Senator uit die Amerikaanse deelstaat New York en is vervolgens deur president Barack Obama as die 67ste Amerikaanse Minister van Buitelandse Sake benoem. Sy het hierdie amp gedurende Obama se eerste regeringstermyn beklee en het nog voor die president se herverkiesing op 6 November 2012 aangekondig dat sy nie vir 'n tweede ampstermyn sou staan nie.

Hillary Clinton was naas Barack Obama een van die twee mededingers vir die nominasie as presidensiële kandidaat van die Demokratiese Party in die verkiesing wat in November 2008. Sy is die eggenote van Bill Clinton, die 42ste President van die Verenigde State, en was in die tydperk tussen 1993 en 2001 die Eerste Dame van die VSA.

Sy het in 1973 'n graad aan die Yale-universiteit se regsskool behaal en daarna 'n loopbaan as advokaat begin. In 1975 het sy na Arkansas verhuis en met Bill Clinton getrou. Sy was in 1979 die eerste vroulike vennoot van Rose Law Firm en is in die tydperk tussen 1988 en 1991 as een van die eenhonderd mees invloedryke advokate in die VSA gelys.

In die periodes tussen 1979 en 1981 en tussen 1983 en 1992 was sy die Eerste Dame van die deelstaat Arkansas. Sy was 'n aktiewe lid van organisasies wat hulle vir die welsyn van kinders beywer en het ook as bestuurslid van maatskappye soos Wal-Mart gedien.

As die Eerste Dame van die VSA het sy 'n prominente posisie in politieke debatvoerings beklee. Haar belangrikste inisiatief vir die daarsteling van 'n nasionale gesondheidsstelsel is deur die Amerikaanse Kongres in 1994 verwerp. Sy het nogtans in 1997 daarin geslaag om 'n mediese fondsprogram vir kinders en wetgewing ten opsigte van aanneming van stapelt te stuur.

Tydens die Whitewater-skandaal was sy in 1996 die enigste Eerste Dame van die VSA wat ooit deur 'n jurie verhoor is, maar is nooit beskuldig bevind nie. Die toestand van haar huwelik met Bill Clinton was ná die Lewinsky-skandaal in 1998 'n onderwerp van diskussie in die media.

Ná haar verhuising na New York in 2000 is Clinton as senator vir hierdie deelstaat verkies. Dit was die eerste keer in die Amerikaanse geskiedenis dat 'n Eerste Dame vir 'n politieke amp kandidaat gestaan het, en sy was ook die eerste vroulike senator uit New York. In die Amerikaanse Senaat het sy aanvanklik die buitelandse beleid van die Republikeinse president George W. Bush in gevalle soos die beslissing oor die oorlogvoering in Irak gesteun, maar later begin om die Bush-administrasie vir sy optrede in dié land en sy binnelandse beleid skerp te kritiseer. In 2006 is sy met 'n groot meerderheid van die uitgebragte stemme as senator herverkies. In die Demokratiese presidensiële voorverkiesings het sy die eerste vrou in die Amerikaanse geskiedenis geword wat op nasionale vlak vir die nominasie as presidensiële kandidaat staan.

Op 20 Januarie 2007 het Clinton die oprigting van 'n verkenningskomitee vir die 2008-verkiesing aangekondig: die eerste amptelike tekening van 'n kandidaatstelling vir die Amerikaanse presidentskap. Op 3 Junie het dit egter geblyk dat haar mededinger, Barack Obama, die steun van sóveel gedelegeerdes gehad het (ruim 2100), dat sy Demokratiese kandidaatskap 'n uitgemaakte saak was. Clinton het twee dae later aangekondig dat sy aan Obama se oorwinning sou toegee; sy het op 7 Junie haar stryd om kandidaatskap amptelik beëindig en haar steun vir Obama aan die publiek uitgespreek.

Eksterne skakels[wysig]