Hofmeyr-skedel

in Wikipedia, die vrye ensiklopedie
Spring na: navigasie, soek
Hofmeyr-skedel
'n Beeld van die fossiel.

Algemene naam Hofmeyr-skedel
Spesie Homo sapiens
Ouderdom 37 000 jaar
Plek ontdek Hofmeyr, Suid-Afrika
Datum ontdek 1952

Die Hofmeyr-skedel is die fossiel van ’n 37 000 jaar oue menslike skedel wat in 1952 ontdek is. Dit is een van die min skedels van moderne mense ouer as 20 000 jaar wat in Afrika suid van Ethiopië gevind is.

Agtergrond[wysig]

Die skedel is in die droë rivierbedding[1] van die Vlekpoortrivier naby Hofmeyr[2][3] in die Oos-Kaap, Suid-Afrika, ontdek. Geen ander bene of argeologiese artefakte is saam met die skedel in die gebied gevind nie.[2] Dit is een van net ’n paar fossiele uit Afrika van die moderne mens wat ouer as 30 000 jaar is. Ander is hoogstens sowat 20 000 jaar oud.

In die 1990's het Alan Morris van die Universiteit van Kaapstad die skedel in ’n museum in Port Elizabeth gesien. Hy het dit later aan die antropoloog en anatoom Frederick E. Grine van die Staatsuniversiteit van New York gewys, wat ’n gedetailleerde studie van die skedel laat doen het.[1]

Volgens Morris sou die eienaar van die kopbeen nie soos moderne Afrikane of moderne Europeërs gelyk het nie, maar dit was beslis ’n moderne mens.[1] Die kopbeen steun die moderne teorie dat die moderne mens in Afrika ontstaan het; een groep het Afrika tussen 65 000 en 25 000 jaar gelede verlaat en na die res van die wêreld versprei,[1] terwyl die ander groep in Afrika gebly het.

Verwysings[wysig]

  1. 1,0 1,1 1,2 1,3 http://www.scienceinafrica.co.za/2007/february/fossil.htm
  2. 2,0 2,1 Grine, Fe; Bailey, Rm; Harvati, K; Nathan, Rp; Morris, Ag; Henderson, Gm; Ribot, I; Pike, Aw (Jan 2007). “Late Pleistocene human skull from Hofmeyr, South Africa, and modern human origins”. Science 315 (5809): 226–9. DOI:10.1126/science.1136294.
  3. Universiteit van Montreal (pdf)

Verdere leesstof[wysig]