Hofmeyr

Hofmeyr
Geboue in Hofmeyr se hoofstraat, oorkant die NG kerk.
Hofmeyr
Koördinate: 31°38′S 25°48′O
Land	Suid-Afrika
Provinsie	Oos-Kaap
Distriksmunisipaliteit	Chris Hani
Plaaslike Munisipaliteit	Tsolwana
Stigting	1873
Hoogte	1 252 m (4 108 vt)
Tydsone	SAST (UTC+2)
poskode	5930

Hofmeyr se stadsaal, opgerig in 1902.

Die kerkgebou van die NG gemeente Hofmeyr.

Die stadsaal, 'n drankwinkel en die landdroskantoor.

Hofmeyr is 'n klein dorpie in die Oos-Kaap-provinsie, Suid-Afrika.

Geskiedenis

Omstreeks 1870 het ene Daniel Marais op 'n plaas op die grense van die distrikte Cradock en Albert (met sy middelpunt Burgersdorp) gewoon. Dié twee dorpe is sowat 160 km uitmekaar. In die uitvoer van sy pligte as diaken van die NG gemeente Burgersdorp, het hy ontdek dat daar in sy omgewing jong mense was van 14 tot 16 jaar wat nog nooit die binnekant van 'n kerk of skool gesien het nie. Hy het gevolglik besluit dat dié toestand nie langer kon voortduur nie en omdat die mense nie tot die ver verwyderde dorpe kon gebring word nie, het het hy tot die oortuiging gekom dat die kerk en skool na die mense gebring moes word. Om sodoende skool en kerk na die mense te bring, is die plaas Boorfontein gekoop en die dorp Maraisburg in 1873 aangelê. Die NG gemeente Maraisburg het in 1876 gevolg. Om verwarring met Maraisburg in Gauteng te voorkom, is die naam van die dorpie in 1913 na Hofmeyr verander ter ere van Jan Hendrik Hofmeyr ook bekend as 'Onze Jan'. Die gemeente se naam is eers laat in die dekade ná 1970 na Hofmeyr verander, ter wille van eenvormigheid. Daar was nooit verwarring oor die naam nie, aangesien die NG gemeente in Maraisburg, Gauteng, Kriel geheet het, maar jare gelede reeds by die gemeente Florida ingelyf is.

Distrik

Merinowol is die belangrikste ekonomiese bedryf in die distrik.

Sien ook

• Lys van dorpe in Suid-Afrika

Bron

• Op Pad in Suid-Afrika. B.P.J. Erasmus. 1995. ISBN 1-86842-026-4

Eksterne skakels

• Inligting oor Hofmeyr (sa-venues.com) (en)