Ierland

in Wikipedia, die vrye ensiklopedie
(Aangestuur vanaf Ierse)
Spring na: navigasie, soek
Ierland
Inheemse naam: Éire / Ireland
Bynaam: Die Groen Eiland
Ligging van Ierland in Europa
Ligging van Ierland in Europa
Geografie
Ligging Noord- of Wes-Europa
Koördinate 53°20′N 08°00′W
Argipel Britse Eilande
Oppervlak 84 421 vk km
Hoogste punt Carrauntoohil 1 041 m
Administrasie
Vlag van Republiek van Ierland Republiek van Ierland
Land Ierland
Hoofstad Dublin
Grootste stad Dublin (527 612)
Michael D. Higgins Michael D. Higgins
Vlag van Verenigde Koninkryk Verenigde Koninkryk
Land Noord-Ierland
Hoofstad Belfast
Grootste stad Belfast (267 500)
Elizabeth II Elizabeth II
Demografie
Bevolking 6 380 661
Bevolkingsgroepe Iere, Ulster Scots
Die wêreld se 20ste grootste eiland en die derde grootste eiland van Europa
'n Keltiese kruis in Knock, Republiek van Ierland

Ierland (Iers-Gaelies: Éire, Engels: Ireland) is die derde grootste eiland in Europa en die mees westelike van die Britse Eilande, met 'n lengte van 450 kilometer, 'n breedte van 260 kilometer en 'n totale oppervlak van 84 421 vierkante kilometer. Die eiland, wat dikwels ook die "Groen Eiland" genoem word, lê tussen die Atlantiese Oseaan en die Ierse See.

Die onafhanklike Republiek van Ierland met 4,1 miljoen oorwegend Rooms-Katolieke inwoners beslaan vyf sesdes van Ierland se oppervlak, terwyl Noord-Ierland met 'n oorwegend Protestantse bevolking van 1,7 miljoen een van die Verenigde Koninkryk se vier deelstate is.

Geografie[wysig]

Sononder oor die Doolin-see, graafskap Clare

Die laagliggende vlaktes van Sentraal-Ierland met hulle groot aantal mere, waaronder die bekende Lough Neagh in Noord-Ierland, word deur bergreekse langs die kusgebiede omsluit. Carrauntuohill (Iers: Corrán Tuathail) in die Macgillicuddy's Recks van Suidwes-Ierland is die hoogste bergspits met 1 041 meter. Die Shannon is met 'n lengte van 386 kilometer die langste rivier van Ierland. Die matige klimaat en gelykmatige reënval bevorder die plantegroei, en danksy die sappige groen weivelde staan Ierland ook as die "Groen Eiland" bekend.

Ierland beskik oor 'n aantal nasionale parke dwarsoor die eiland.

Flora en fauna[wysig]

Ierland het in die algemeen 'n kleiner aantal spesies as byvoorbeeld sy oostelike buureiland Groot-Brittanje of die Europese vasteland, aangesien die eiland ná die einde van die Ystydperk deur die stygende waterpeil van die Atlantiese Oseaan baie vinnig geïsoleer is. Daar is net 31 inheemse soogdierspesies, waaronder dasse, vosse en krimpvarkies. Bepaalde spesies soos die edelhert word egter slegs in die nasionale parke aangetref. Ierland is ook een van die min gebiede, wat nie oor inheemse slangspesies beskik nie.


Erica cinera0.jpg Keltiese gebiede in Europa Triple-Spiral-Symbol-filled.png

Bretagne | Ierland | Wallis | Cornwall | Man | Skotland