Kameeldoring

in Wikipedia, die vrye ensiklopedie
Spring na: navigasie, soek
Kameeldoring
S.A. nasionale nommer: 168
Kameeldoring (Acacia erioloba)
Sade en peule
Wetenskaplike klassifikasie
Koninkryk: Plantae
(geen rang): Angiosperms
(geen rang): Eudicots
(geen rang): Rosids
Orde: Fabales
Familie: Fabaceae
Genus: Acacia
Spesie: A. erioloba
Binomiale naam
Acacia erioloba
E.Mey. (1791-1858)

Die Kameeldoring (Acacia erioloba) is 'n boom in die peulplantfamilie (Fabaceae). Die kameeldoring word vanaf Angola en Zambië in die Noorde tot die Noord-Kaap in die Suide aangetref en is van die belangrikste bome in woestyngebiede. Die spesie varieer in grootte, van klein doringstruike tot groot bome.

Daar is 'n woud van kameeldoringbome digby die dorp Kathu in die Noord-Kaap wat in 1995 tot natuurerfenisgebied verklaar is.

Naam[wysig]

Die Afrikaanse naam, kameeldoring verwys na kameelperde wat algemeen aan die hoë blare wat buite die bereik van kleiner diere is vreet.

Die naam Acacia erioloba is uit Grieks afgelei: akis wat "punt" of "doring" beteken, erio beteken "wollerig", met verwysing na die buitekant van die vrug, en loba beteken "lob", met verwysing na die vrug.

Beskrywing[wysig]

Die kameeldoring is 'n immergroen tot halfbladwisselende boom wat tot 20 meter hoog word, met 'n wydgestrekte kroon. Die jong takke is in 'n opvallende sigsagpatroon.

Die bas van jong takkies is glad en rooibruin, maar is bruin tot grys en diep gegroef by ouer takke en stamme. Dorings is in pare, byna reguit, tot 60 mm lank, gewoonlik dik en vergroei by die basis tot 'n groot miergal. Die blare is dubbelveervormig saamgestel, met 2–5 mm in deursnee.

Bloeityd is van Julie tot September. Blomme is in 'n ronde, goudgeel, soetgeurige bloeiwyse tot 15 mm in deursnee. Vrugte word vanaf Desember tot April gevorm en is nie-oopspringend, hard, baie breed en gekrom, tot 130x70 mm bedek met grys fluweelagtige hare, sponsagtig binne.

Hout het 'n baie dun, ligkleurige spinthout en 'n donkerrooibruin, harde, swaar (lugdroog 1 144 kg/m3) kernhout.

Habitat[wysig]

Droë bosveld langs rivierbeddings waar ondergrondse water beskikbaar is en op sanderige leem en diep Kalaharisand.

Gebruike[wysig]

Mense, voëls en diere hou van die gom wat die boom afskei. Die binnebas word afgestroop en gestamp om sterk tou van te maak. Gebrande en verpoeierde peule word gebruik om ontsteekte ore te behandel. Die geroosterde saad kan ook as plaasvervanger vir koffie dien.

Fotogalery[wysig]

Sien ook[wysig]

Commons
Wikimedia Commons het meer media verwant aan:

Bron[wysig]