Liverpool
|
Liverpool |
|
|---|---|
| Ligging in Engeland | Wapen |
 |
|
 |
|
| Kulturele hoofstad van Europa in 2008 |
|
 |
|
| Land |  Verenigde Koninkryk |
| Deelstaat |  Engeland |
| Administratiewe gewes | Noordwes-Engeland |
| Seremoniële graafskap | Merseyside |
| Koördinate | Koördinate: |
| Stigting | 1207 |
| Stadstatus | 1880 |
| Munisipale regeringsvorm | Metropolitan borough, City |
| Stadsregering | Stadsraad van Liverpool |
| Lord Mayor | Steve Rotheram |
| Oppervlakte: | |
| - Totaal | 111,84 vk km |
| Hoogte bo seevlak | 70 m |
| Bevolking: | |
| - Totaal (skatting 2007, Metropolitan borough & City) |
435 500 |
| - Bevolkingsdigtheid | 5 001/vk km |
| - Stedelike gebied | 816 900 |
| - Metropolitaanse gebied | 1 103 089 |
| Tydsone | UTG +0 (MGT) |
| - Somertyd | UTG +1 (BST) |
| Amptelike Webwerf | liverpool.gov.uk |
Liverpool [ˈlɪvəpuːl] is 'n stad en Metropolitan Borough in die noordweste van Engeland en by die monding van die Merseyrivier. Liverpool het 'n oppervlakte van 111,84 vierkante kilometer en 'n bevolking van 435 500 mense in die stadsgebied (2007), 816 900 in die stedelike gebied (Engels: Liverpool Urban Area) en 1,1 miljoen in die metropolitaanse gebied. Liverpool is die tweede grootste uitvoerhawe in die Verenigde Koninkryk en grens aan die buurstede Bootle en Huyton, terwyl die stede Wallasey en Birkenhead oorkant die Merseyrivier geleë is.
UNESCO het die geskiedkundige deel van die hawestad saam met die toeristetrekpleister Albert Dock in 2004 as wêrelderfenisgebied gelys. Liverpool het veral bekendheid verwerf deur sy sokkerklubs FC Everton en FC Liverpool en sy polsende musieklewe. 'n Plaaslike musiekgroep, die Beatles, het in die 1960's kunstenaars van wêreldfaam geword. In 2008 het Liverpool saam met die Noorse stad Stavanger ook as kulturele hoofstad van Europa gefungeer.
Die inwoners van Liverpool, wat in Engels amptelik Liverpudlians genoem word, staan daarnaas ook as Scousers bekend - 'n verwysing na die plaaslike Engelse dialek, Scouse.
