Michael Phelps

Michael Phelps spog met een van sy goue medaljes tydens die Beijing-spele.

Michael Fred Phelps III (Baltimore, 30 Junie 1985) is 'n Amerikaanse swemmer wat tydens die Olimpiese Somerspele 2004 agt medaljes verower het. Ses hiervan was goue medaljes.

Tydens die Olimpiese Somerspele 2008 het hy nog agt goue medaljes gewen. Dit besorg aan hom die rekord vir die meeste goue medaljes tydens 'n enkele Olimpiese Spele gewen - 'n totaal van agt, een meer as Mark Spitz, die vorige rekordhouer.

Phelps het dus gedurende sy loopbaan altesaam 14 goue medaljes ingepalm, weer eens meer as enige ander atleet in die geskiedenis van die moderne Spele.

Eksterne skakels

• Michael Phelps se amptelike webwerf