Swem

'n Swemmer in aksie.

Swemmers neem aan 'n kompetisie deel.

Swem is 'n watersport waar die swemmer hom met arm- en beenbewegings deur water voortbeweeg. Dit word gewoonlik in 'n swembad beoefen, maar kan ook in damme en riviere plaasvind.

Die meer bekende style van swem is rugslag, borsslag, vlinderslag en vryslag (kruipslag). Swem word as 'n gesonde en effektiewe oefenmetode gesien omdat dit bykans al die spiere in die liggaam gelyktydig oefen. Die swemmer se liggaam word deur die water gedra en die aksie plaas nie oormatige druk op die swemmer se knieë en gewrigte nie.

Swem kan vir ontspanning of in kompeterende verband beoefen word. Die sport is sedert 1896 deel van die Olimpiese Spele.

Internasionale swemtoernooie

Die belangrikste internasionale swemtoernooie is:

Langbaan (50 meter)

• Olimpiese Somerspele (sedert 1896)
• Wêreldkampioenskappe (sedert 1973)
• Europese kampioenskappe (sedert 1926)

Kortbaan (25 meter)

• Wêreldkampioenskappe (sedert 1993)
• Europese kampioenskappe (sedert 1991)
• Wêreldbeker (sedert 1989)

Sien ook

• Swem in Suid-Afrika
• Gesinchroniseerde swem
• Duik