Moeammar al-Ghaddafi
Moeammar al-Ghaddafi (Arabies: معمر القذافي) (gebore 7 Junie 1942 te Sirte, oorlede 20 Oktober 2011 te Sirte), ook bekend as Kolonel Gaddafi, was vir 43 jaar die de facto leier van Libië. Hy het met 'n staatsgreep in 1969 aan bewind gekom wat weer in 2011 deur die Libiese Burgeroorlog beëindig is.[1] Ghaddafi het nie 'n publieke amp of titel gehad nie, maar is dikwels as "Broederleier" aangespreek.
Sy gesag is die laaste halfjaar van sy lewe nie meer deur die meeste lande erken nie. Op 20 Oktober 2011 het 'n woordvoerder van die Nasionale Oorgangsraad bekend gemaak dat al-Ghaddafi met die oorname van Sirte gevange geneem is.[2] Later die dag het Abdul Hakim Belhaj, 'n bevelhebber van die rebelle, gemeld dat al-Ghaddafi aan sy wonde beswyk het.[3]
Ghaddafi se naam word op talle wyses vanaf Arabies getranslitereer, onder andere: Gadhafi, Gadaffi, Gaddafi, Gadhdhafi, Ghaddafi, Khadaffi, Kaddafi, Kadhdhafi, Khadafy, Qadaffi, Qaddafi, Qadhafi, Qadhdhafi en Qathafi.
Verwysings[wysig]
- ↑ Salak, Kira. “National Geographic article about Libya”. National Geographic Adventure.
- ↑ Kadhafi gewond bij arrestatie, nos.nl
- ↑ Al Jazeera (20 Oktober 2011). "Muammar Gaddafi killed in gun battle". Geraadpleeg op 20 Oktober 2011.
