2 Februarie

2 Februarie is die 33ste dag van die jaar in die Gregoriaanse kalender. Daar volg nog 332 dae in die res van die jaar (333 in skrikkeljare).

Gebeure

• 962 - Pous Johannes XII kroon Otto I die Grote as keiser van die Heilige Romeinse Ryk.
• 1274 - Cécile, dogter van Gui Faucoi (later Pous Clemens IV) trou met haar neef Pierre Ruffi.
• 1286 - James II word teen die wil van Pous Honorius IV gekroon as koning van Sisilië.
• 1309 - Op aandrang van koning Philip IV van Frankryk hervat Pous Clemens V die proses teen Pous Bonifatius VIII.
• 1361 - Guillaume de Grimoard (later Pous Urbanus V) word ab van die Benediktynerklooster in St. Victor in Marseille.
• 1831 - Pous Gregorius XVI volg Pous Pius VIII op as pous van die Rooms Katolieke Kerk.
• 1848 - Die Meksikaans-Amerikaanse Oorlog eindig met die ondertekening van die Verdrag van Guadalupe Hidalgo wat aan die VSA die Meksikaanse Oordrag toeken.
• 1863 - Jan Brand word as President van die Vrystaat verkies.
• 1925 - Mediese voorrade om 'n uitbraak van witseerkeel te bekamp bereik Nome, Alaska op hondesleë wat die jaarlikse Iditarod-resies oor Alaska inspireer.
• 1943 - Die Slag van Stalingrad eindig met 91 000 uitgeputte Duitse soldate wat deur die Rooi Leër gevange geneem word.
• 1990 - President FW de Klerk kondig by die opening van die parlement aan dat die ANC en ander groepe ontban sou word en dat Nelson Mandela vrygelaat sou word. Dit lei tot die einde van Apartheid en die daarstel van volle demokrasie in Suid-Afrika.

Geboortes

• 1649 - Pietro Francesco Orsini (later Pous Benedictus XIII).
• 1882 - James Joyce, Ierse skrywer en digter.
• 1905 - Ayn Rand, Amerikaanse skryfster en filosoof.

Sterftes

• 1769 - Pous Clemens XIII.
• 1970 - Bertrand Russell, Britse filosoof.

Gepubliseer

Teologie

• 1744 - Inter omnigenas - oor die vervolging in Serwië deur die Turke - deur Pous Benedictus XIV.