Olifantskamp

Hutte in Olifantskamp, met 'n uitsig oor die Olifantsrivier.

Olifantskamp is 'n ruskamp vir oornagbesoekers in die sentrale gedeelte van die Krugerwildtuin, Suid-Afrika. Die kamp is uniek omdat dit op 'n baie hoë krans gebou is wat wyd uitkyk op die Olifantsrivier ondertoe. Gaste wat Olifants besoek word blootgestel aan 'n onvergeetlike venster van Afrika.

Die kamp is bo-op 'n krans geleë wat 'n paar honderd voet oor die Olifantsrivier uittroon. Uitsigte vanaf die uitkykplatforms laat 'n mens toe om die rivier onder te sien, net soos 'n swewende arend dit sou ondersoek, terwyl dit uit die lug jag.

Akkommodasie en ander geriewe

Die kamp is geleë in die sentrale deel van die park, met 107 pragtige rondawels (2, 3 of 4-bed eenhede), toegerus met en-suite badkamers (storte of baddens) en almal met lugversorging. Sommige eenhede het klein kombuisies met kookplate en 'n ys/vrieskas, terwyl ander kommunale kombuise deel.

Verder is daar twee groot luukse gastehuise, genaamd Nshawu en Lebombo (wat elk agt persone kan huisves). Beide het asemrowende rivieruitsigte en verskeie uitkykdekke met braaiplekke. Hulle het goed-toegeruste kombuise (met mikrogolfoonde), verskeie slaapkamers en badkamers. Beperkte DSTV-televisie word ook voorsien.

In Olifantskamp word geen kampering toegelaat nie, maar wel piekniek, skottelbraai en wildkyk deur dagbesoekers.

Daar is 'n Tindlovu-restaurant wat uitkyk oor die Olifantsrivier, asook 'n kampwinkel, vulstasie en noodhulpstasie.

Wildbesigtiging

Olifants lê in mopanieveld, wat taamlik digte bos behels. Gevolglik is die digtheid van soogdiere laer as wat verder suid, naby Skukuza en Onder-Sabie, verwag kan word. Olifante, leeus, seekoeie en krokodille kom egter algemeen voor.

Verdere leeswerk

• "Olifants Restcamp Kruger Park" by Siyabona Africa

Eksterne skakels

• Wikimedia Commons het meer media in die kategorie Olifantskamp.