Petro Porosjenko

in Wikipedia, die vrye ensiklopedie
Spring na: navigasie, soek
Petro Porosjenko
Петро Порошенко
Petro Porosjenko

President van Oekraïne
Ampsbekleër
Ampsaanvaarding
7 Junie 2014
Voorafgegaan deur Oleksandr Toerchinof

Persoonlike besonderhede
Geboorte 26 September 1965 (1965-09-26) (48 jaar oud)
Bolhrad, Sowjetunie
(tans Oekraïne)
Politieke party Onafhanklik
Eggenoot/eggenote Marina Porosjenko
Kind(ers) Oleksi
Jefhenija
Oleksandra
Michailo
Alma Mater Nasionale Universiteit van Kiëf
Handtekening Petro Poroshenko Signature 2014.png

Petro Oleksijowitsj Porosjenko (Oekraïens: Петро Олексійович Порошенко, wetenskaplike transliterasie: Petro Oleksijovyč Porošenko; * 26 September 1965 in Bolhrad) is 'n Oekraïense ondernemer en politikus. Op 7 Junie 2014 het hy die presidensiële ampseed afgelê.

As entrepreneur het hy 'n fortuin met sy sakegroep Ukrprominvest verdien wat onder meer belange in die Oekraïense sjokolade-, televisie-, motor-, skeepsbou- en wapenbedryf het. Die Amerikaanse sakeydskrif Forbes het Porosjenko, wie se fortuin op VSA-$ 1,6 miljard beraam word, sewende op die ranglys van Oekraïense oligarge gelys. In 2005 is sy fortuin volgens die Poolse nuustydskrif Wprost nog op sowat VSA-$ 350 miljoen beraam.[1] Weens sy belange in Roshen, die grootste Oekraïense vervaardiger van sjokolade en ander lekkergoed, het Porosjenko die bynaam "Sjokoladekoning" gekry.

Gedurende sy politieke loopbaan het Porosjenko reeds 'n verskeidenheid regeringsposte beklee. Tussen Februarie en September 2005 was hy voorsitter van die Nasionale Veiligheids- en Verdedigingsraad van Oekraïne en vanaf Februarie 2007 tot en met Maart 2012 direkteur en lid van die bestuursraad van Oekraïne se Reserwebank. Onder president Wiktor Joesjtsjenko het hy die amp van minister van buitelandse sake en onder president Wiktor Janoekowitsj die amp van minister van ekonomiese sake beklee. Op 24 Mei 2014 het hy reeds in die eerste rondte van die Oekraïense presidensiële verkiesing 'n oorwinning behaal.[2]

Verwysings[wysig]