Petropawlofsk-Kamtsjatski

Petropawlofsk-Kamtsjatski Петропавловск-Камчатский
Die Korjakski-vulkaan troon bo die stad uit.
Vlag Wapen
Petropawlofsk-Kamtsjatski Ligging van Petropawlofsk-Kamtsjatski in Kamtsjatka-krai
Koördinate: 53°01′N 158°39′O
Land	Rusland
Deelgebied	Kamtsjatka-krai
Stigting	1740
Regering
- Tipe	Stadsdoema
- Hoof	Sergei Kondrasjin
Bevolking (2010)
- Stad	179 526
Tydsone	UTC+12:00 (UTC)
Webwerf: http://pkgo.ru/

Petropawlofsk-Kamtsjatski in die nag.

Petropawlofsk-Kamtsjatski (Russies: Петропа́вловск-Камча́тский) is die administratiewe, wetenskap- en kultuurhoofstad van Kamtsjatka-krai in Rusland.

Die stad het 179 526 inwoners volgens die 2010-sensus.

Geografie

Die stad is 6 766 km van Moskou (nege uur per vliegtuig). Dit is op hoë heuwels geleë en deur vulkane omring. Oorkant die Awatsja-baai is Rusland se grootste duikboot-basis, die Ribatsji-basis. Dit is in die tyd van die Sowjetunie gestig en word steeds deur Rusland gebruik.

Petropawlofsk-Kamtsjatski is die tweede grootste stad in die wêreld naas Iquitos, Peru, wat nie per pad bereik kan word nie. ’n Reis na die stad is duur, maar word al hoe gewilder vanweë die pragtige landskap regdeur die skiereiland.

Geskiedenis

Petropawlofsk is deur die Deense navigator Vitus Bering gestig, wat in diens van die Russiese vloot was. Hy het Awatsja-baai op 10 Julie 1740 bereik en die plek Petropawlofsk genoem na sy twee skepe, die Sint Petrus en Sint Paulus. Die beskutte ligging het die dorp help groei tot een van die belangrikste nedersettings in Kamtsjatka.

Eksterne skakels

• Internetportaal (ru)
• Geskiedenis (ru)
• Foto's

• Wikimedia Commons het meer media verwant aan: Petropawlofsk-Kamtsjatski

• Hierdie artikel is vertaal uit die Engelse Wikipedia