Prins Eduard-eilande
vanuit Wikipedia, die vrye ensiklopedie.
- Vir die Kanadese provinsie, sien asb. Prins-Edward-Eiland.
 Ligging van die Prins Eduard-eilande in die Indiese Oseaan |
|
 Kaart van die Prins Eduard-eilande |
|
| Hoofeiland | Marion-eiland |
| Ander eilande | Prins Eduard-eiland |
| Oppervlakte - Totaal |
335 vk km |
| Bevolking - Totaal - Bevolkingsdigtheid |
50 (Wetenskaplikes) 0,15/vk km |
| Tydsone | UTC: UTC+2 |
Prins Eduard-eilande (Engels: Prince Edward Islands) is 'n onbewoonde en onherbergsame sub-antarktiese eilandgroep in die suide van die Indiese Oseaan en behoort sedert 1947 tot Suid-Afrika en sedert 1994 tot die provinsie Wes-Kaap. Die eilandgroep bestaan uit die twee eilande Prins Eduard-eiland en Marion-eiland. Die Prins Eduard-eilande het 'n oppervlakte van 335 km² en lê in die middel tussen Suid-Afrika en Antarktika. Die eilande was op 13 Januarie 1773 deur die Franse ontdekkingsreisiger Marc-Joseph Marion du Fresne ontdek en in Desember 1776 deur die Britse ontdekkingsreisiger James Cook ná Prins Edward, die vierde seun van koning George III en die pa van koningin Victoria, genoem.
