Marc-Joseph Marion du Fresne

in Wikipedia, die vrye ensiklopedie
Spring na: navigasie, soek

Marc-Joseph Marion du Fresne (1724 - 1772) was 'n Franse ontdekkingsreisiger. Hy is in Saint-Malo gebore en sluit op elfjarige ouderdom by die Frans Oos-Indiese maatskappy aan as 'n onder-luitenant aanboord van die Duc de Bourgogne.

Tydens die Oostenrykse opvolgingsoorlog voer hy verskeie skepe aan en hy word teen 1745 'n kaptein. In die Sewejarige Oorlog, is hy betrokke by verskeie vlootoperasies.

Na die oorlog seil hy weer op die Oos-Indiese roetes en vestig hom eventueel in Port Louis, Mauritius, waar hy ook vir 'n tyd lank hawemeester is.

Toe die Franse Oos-Indiese maatskappy in 1769 in duie stort is du Fresne skielik werkloos. Hy oortuig Pierre Poivre, die burgerlike administrateur om hom met twee skepe uit te rus en op 'n tweevoudige sending te stuur: eerstens sou hy Ahu-toru, 'n Tahitiaan wat na Parys gebring is en daar uitgestal is, maar slegs tot so ver as Mauritius terug gebring is, na Tahiti terugneem, en tweedens sou hy na die suidelike kontinent gaan soek. Marion-Dufresne is twee skepe gegee, die Mascarin en die Marquis de Castries. Ahu-toru sterf van pokke kort na die vertrek uit Port Louis.

Op sy ontdekkingstog herontdek hy die Prins Edwardeilande nadat hulle by Kaapstad aandoen en op 28 Desember 1771 verlaat. Hy ontdek die Crozeteilande voor hy verder in Australië se rigting seil. Op 2 Februarie 1772 seil hulle effens noord van die op daardie stadium nog onontdekte Kergueleneilande verby en kruis tien dae later die roete van Kerguelen-Trémarec. Hulle bereik Tasmanië op 3 Maart 1772 en vertoef 'n paar dae op die eiland, waar Marionbaai in die suidooste na hom vernoem is, voor hulle verder seil en Nieu-Seeland se Mount Taranaki op 25 Maart 1772 gewaar. Hy noem die berg Pic Mascarin sonder om te weet dat James Cook dit reeds drie jaar te vore "Mount Egmont" genoem het.

Oor die volgende maand verken hulle die eilande, doen herstelwerk aan hulle skepe en behandel hulle skeerbuik. Hulle anker eers by Anchor Cove en later in die Bay of Islands. Oënskynlik was hulle verhoudinge met die Māori's aanvanklik vreedsaam: hulle kon kommunikeer danksy die Tahitiaanse woordeskat ('n nalatingskap van Ahu-toru se misavontuur), en die Māori's het selfs 'n seremonie vir hulle gehou. Die Franse het egter blykbaar een of ander tapu gebreek, waarskynlik deur op 'n heilige plek vis te vang, en op 12 Julie 1772 vermoor en eet die Maori's du Fresne en twaalf bemanningslede. In weerwraak brand die Franse 'n dorpie af en dood sowat 250 Māori's voor hulle die volgende dag weg vaar.

Plekke en so meer wat na Marion-Dufresne vernoem is sluit in:

Sien ook[wysig]

  • Edward Duyker, The Discovery of Tasmania: Journal Extracts from the Expeditions of Abel Janszoon Tasman and Marc-Joseph Marion Dufresne 1642 & 1772, St David's Park Publishing/Tasmanian Government Printing Office, Hobart, 1992, pp. 106, ISBN 0-7246-2241-1.
  • Edward Duyker, An Officer of the Blue: Marc-Joseph Marion Dufresne 1724—1772, South Sea Explorer, Miegunyah/Melbourne University Press, Melbourne, 1994, pp. 229, ISBN 0-522-84565-7.

Eksterne skakels[wysig]