Rolstoelrugby

in Wikipedia, die vrye ensiklopedie
Spring na: navigasie, soek
Spelers tydens 'n rolstoelrugbywedstryd.

Rolstoelrugby is 'n spansport vir atlete met 'n liggaamsgebrek. Dit word in meer as twintig lande beoefen en word ook op die Paralimpiese Spele verteenwoordig.

Die sport is laat in die 1977 oorspronklik in Kanada ontwikkel deur vyf rolstoelatlete, Jerry Terwin, Duncan Campbell, Randy Dueck, Paul LeJeune en Chris Sargent. Dit het oorspronklik murderball ("moordbal") geheet, as gevolg van die aggresiewe, vol-kontak karakter van die sport en is bedag om kwadruplegiese atlete met 'n wye reeks funksionele vermoë vlakke die kans te bied om integrale offensiewe en verdedigende posisies te speel.

In die VSA staan die sport ook bekend as kwadrugby, wat verwys na die feit dat dit deur kwadrupleë gespeel word: al die deelnemende atlete het 'n gebrek wat beide hulle boonste en onderste ledemate affektaar. Rolstoelrugby is 'n gemengde sport, met mans en vroue wat in dieselfde spanne meeding. Wedstryde word binnemuurs op houtvloere gespeel. Die spelreëls bevat elemente van onder andere rolstoelbasketbal, yshokkie en handbal. Dit is 'n kontaksport en fisiese kontak tussen spelers is 'n integrale gedeelte van die spel.

Rolstoelrugby word bestuur deur die Internasionale Rolstoelrugbyfederasie, wat in 1993 gestig is.