Paralimpiese Spele
Paralimpiese Spele is die Olimpiese Spele vir atlete met liggaamlike gestremdhede, uitgesluit dowe en verstandelik gestremde persone. Vir dowes word die Dooflimpiese Spele georganiseer en die Spesiale Olimpiade word vir verstandelik gestremde persone georganiseer.
Inhoud |
[wysig] Geskiedenis
In 1948 organiseer Sir Ludwig Guttman 'n sportwedstryd in Engeland vir veterane uit die Tweede Wêreldoorlog met rugbeserings. Vier jaar later neem atlete uit Nederland ook aan die Spele deel; en die internasionale byeenkoms wat tans die Paralimpiese Spele heet, word gebore.
In 1976 neem groepe met verskillende tipes gestremdhede aan die Spele in Toronto deel, en in dieselfde jaar word die eerste Paralimpiese Winterspele in Swede georganiseer.
Tans bestaan die Paralimpiese Spele vir atlete uit 6 verskillende groepe van gestremdhede. Die klem val op wat die atlete kan vermag, eerder as op hulle gestremdhede en waartoe hulle nie in staat is nie. Die aantal atlete wat deelneem het baie gegroei sedert die begin, van 400 atlete in Rome in 1960 tot 3195 tydens die Spele in Atlanta in 1996.
Die Paralimpiese Spele word altyd in dieselfde jaar as die Olimpiese Spele gehou, en sedert 1988 word dit ook altyd op dieselfde perseel gehou. Vanaf 2012 sal die stad wat die Olimpiese Spele organiseer, verplig word om ook die Paralimpiese Spele te organiseer.
In 2008 sal die Paralimpiese Somerspele in Beijing, Sjina plaasvind.
[wysig] Paralimpiese Somerspele
- Somerspele 1960 - Rome, Italië
- Somerspele 1964 - Tokio, Japan
- Somerspele 1968 - Tel Aviv, Israel
- Somerspele 1972 - Heidelberg, Duitsland
- Somerspele 1976 - Toronto, Kanada
- Somerspele 1980 - Arnhem, Nederland
- Somerspele 1984 - Stoke Mandeville, Verenigde Koninkryk & New York Stad, Verenigde State
- Somerspele 1988 - Seoel, Suid-Korea
- Somerspele 1992 - Barcelona, Spanje
- Somerspele 1996 - Atlanta, Verenigde State
- Somerspele 2000 - Sydney, Australië
- Somerspele 2004 - Athene, Griekeland
- Somerspele 2008 - Beijing, Sjina
- Somerspele 2012 - Londen, Verenigde Koninkryk
[wysig] Paralimpiese Winterspele
- Winterspele 1976 - Örnsköldsvik, Swede
- Winterspele 1980 - Lake Placid, Verenigde State
- Winterspele 1984 - Innsbruck, Oostenryk
- Winterspele 1988 - Innsbruck, Oostenryk
- Winterspele 1992 - Tignes-Albertville, Frankryk
- Winterspele 1994 - Lillehammer, Noorweë
- Winterspele 1998 - Nagano, Japan
- Winterspele 2002 - Salt Lake City, Verenigde State
- Winterspele 2006 - Turyn, Italië
- Winterspele 2010 - Vancouver, Kanada
- Winterspele 2014 - Sotsy, Rusland
[wysig] Sien ook
[wysig] Eksterne skakels
| Paralimpiese Spele |  |
||
|---|---|---|---|
|
Somerspele: Rome 1960 - Tokio 1964 - Tel Aviv 1968 - Heidelberg 1972 - Toronto 1976 - Arnhem 1980 - New York & Stoke Mandeville 1984 - Seoel 1988 - Barcelona 1992 - Atlanta 1996 - Seoel 2000 - Athene 2004 - Beijing 2008 - Londen 2012 |
|||
